Тээвэрчид С.Бямбацогт сайдад талархав

Засгийн газрын бүтэц, бүрэлдэхүүнд өөрчлөлт орж, шинээр яам байгуулахын зэрэгцээ сайд нарыг томилоод удаагүй байгааг бид бүхэн мэднэ. Харин зарим салбарын сайд нар ажлаа шаргуухан эхлүүлж, ахиц гаргаад байна.

Цар тахлаас үүдэлтэй ачаа тээвэр саатахын зэрэгцээ үнэ тариф нь унаад байсан билээ. Тэгвэл Зам, тээврийн хөгжлийн сайдаар томилогдоод удаагүй байгаа С.Бямбацогт яамнаас баталсан жишиг тариф 100 километрт 216.56 мянган төгрөг байсныг 245 мянга болгож нэмжээ. Мөнхүү уртын тээврийн тариф 80 юань байсан бол 101 юань болгон нэмсэн учраас Тээвэрчдийн зөвлөл, тээврийн компаниуд салбарынхаа сайдад талархал илэрхийлсэн нь цахимд давалгаалж байна.

Дашрамд дурдахад С.Бямбацогт Зам, тээвэр хөгжлийн сайдаар томилогдсон даруйд хэд хэдэн зоримог шийдвэр гаргаж ажилласан. Хамгийн анх алдарт Дарханы зам дээр ажиллаж, гацаанд байсан зарим ажлыг урагшлуулсан учраас өдгөө замын ажил тун хурдтай явж байгааг дуулгана лээ. Одоогийн байдлаар Замын-Үүд боомтоор задгай тээвэр эхлүүлэх ажлыг хятадын талтай хэлэлцэж, асуудал тун нааштай байгааг эх сурвалж хэлсэн юм.

Tumen.mn

Д.Баян-Өндөр: ЭМЯ-ны хөрөнгө оруулалтын үр дүнд 15 аймаг УРОЛОГИЙН 8 төрлийн мэс засал, 4 төрлийн оношилгоог хийж эхэллээ
Хөгжлийн банкны найдваргүй зээлдэгч Ерөнхийлөгч асан Х.Баттулга
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!