Т.Навчаа: Томуу болон ханиадны ялгаа

Зинт Клиникийн эмч Т.Навчаа томуу, томуу төст өвчнүүдийн ялгаа тэр дундаа хүүхдийг хэрхэн асрах, гэрээр эмлэх талаарх зөвлөгөөг хүргэлээ.

Тэрээр "Томуу, ханиад хоёр өөр өвчин бөгөөд томуугийн инфлүнза вирусаар үүсгэгдэж байгаа нь томуу, бусад 200 гаруй төрлийн вирусаар үүсгэгдсэнийг нь томуу төст буюу ханиад шуухинаа гэнэ.

Томуу үүсгэх инфлүнза вирус нь 12 хувь, коронавирус 12 хувь, риновирус нь 40 хувийг тус тус эзэлдэг. Хавар, намар, өвлийн цагт хүүхдүүд коронавирусаар өвддөг учир дархлаа суусан, өдгөө туссан ч хүндрэх нь бага байна.

Аденовирус нь нуухтаж, нүд улайж загатнадаг шинж тэмдэгтэй. Эдгээрээс хамгийн хүнд тусдаг нь RSV вирус бөгөөд нярай халдвар авбал маш хүндэрч, эндэх ч эрсдэлтэй байдаг. Үүний эсрэг вакциныг гаргаж авахаар эрдэмтэд ажиллаж байгаа ба 2022 онд гаргана гэж найдаж байна.

Тэгэхээр дээрхээс үзэхэд инфлүнза вирусаар үүсгэгдсэн бол томуу, бусад вирусаар үүсгэгдсэнийг нь томуу төст өвчин хэмээн тодорхойлдог.

Илрэх шинж тэмдэг нь халуурна, булчин шархирна тэр дундаа томуугийн үед энэхүү эмнэлзүйн шинж тэмдэг илэрдэг. Мөн ядардаг, бие сульддаг, хамар битүүрнэ. Томуутай хүүхэд бөөлжиж, суулгах нь элбэг бөгөөд насанд хүрэгчдэд энэхүү шинж тэмдэг төдийлөн ажиглагддаггүй. Хэрэв хүүхэд хөнгөн өвдсөн бол халуун бууруулах, өвдөлт, ханиалга намдаах эмчилгээг гэртээ хийж болно. Шингэн зүйл ойр ойрхон халуун бүлээнээр уулгах хэрэгтэй" гэлээ.

“ЭРДЭНЭС ТАВАНТОЛГОЙ“ ХК-ИЙН ТУЗ-ИЙН ГИШҮҮД УУРХАЙН БҮТЭЭН БАЙГУУЛАЛТЫН АЖЛЫН ЯВЦТАЙ ТАНИЛЦЛАА
Н.Номтойбаяр спортын мастер боллоо
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!