УОК: Цагаан сараар халдварын оргил үе таарч байгаа учир гэр бүлийн хүрээнд цомхон тэмдэглэнэ үү

Омикрон хувилбарын тархалт дотоодод бүртгэгдсэнтэй холбогдуулан УОК-оос мэдээлэл хийлээ. Мэдээллийн эхэнд УОК-ын нарийн бичгийн дарга Т.Баярхүү хатуу хөл хорио, хязгаарлалт тавихгүй гэдгийг онцлон хэлсэн юм. Тэрбээр сэтгүүлчдийн асуултад дараах хариултыг өглөө.

-Халдварын тохиолдлын тоо нэмэгдвэл өвчилсөн иргэдийг хүнд, хөнгөнөөр нь эрэмбэлэх үү. Ямар зохион байгуулалтаар ажиллах вэ? Вакцины нөөц хэр байна вэ? Хоногт хэдэн хүнийг хамруулах боломж байгаа вэ?

-Вакцинжуулалтын тухайд хангалттай олон цэг ажиллаж байгаа. Манай улсад 2.8 сая тун вакцины нөөц байна. Хүүхдүүдийн вакциныг манай холбогдох байгууллагууд судалж байгаа.

Дельта давалгааны үед эмнэлгийн ачаалал маш их нэмэгдсэн. Тиймээс өмнөх туршлага байгаа учир эмнэлгүүд зохион байгуулалт хийгээд явна.

Гол нь вакцины бүрэн болон нэмэлт тунд хамрагдсан, өвдөөд эдгэрсний дараа вакцинд хамрагдсан хүмүүс Омикрон хувилбараар хөнгөн өвчилж байгаа судалгаа бий. Тиймээс эдгээр иргэд гэрээр эмчлэгдэх боломжтой.

-Цагаан сараар хөл хорио тогтоохгүй бол илүү их хохирол амсах вий гэдэг болгоомжлол иргэдэд байгаа. Үүнтэй холбоотой ямар зохицуулалт хийх вэ? Мөн тусгаарлалтын байруудад хариуцлага алдсан албан тушаалтнуудад хариуцлага тооцох тухай асуудлыг өнөөдрийн хуралдаанаар хэлэлцсэн үү?

-2021 оны тавдугаар сараас хойш ямар нэгэн хатуу хөл хорио тогтоогоогүй. Хатуу хөл хорио бол вакцин хийгдээгүй байх үед авч байсан арга хэмжээ.

Цагаан сарын үеэр халдварын оргил үе таарч байгаа. Цагаан сараар төрийн золголт хийхгүй, айл өрхүүд гэр бүлийн хүрээнд цомхон тэмдэглээрэй гэдэг зөвлөмжийг УОК-оос өгсөн.

Алдаа дутагдал гаргасан албан тушаалтнуудад хариуцлага тооцох асуудлыг өнөөдрийн хурлаар ярьсан. Гэхдээ шийдвэр эцэслэн гарсны дараа тодорхой хариулт өгөх нь зөв байх.

Кипр улстай аялал жуулчлалын хамтын ажиллагааг хөгжүүлнэ
Монголчууд биднийг мунгинасаар байтал...
Сэтгэгдэл (3)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Зочин

    УОК татан буулгая хийх ажил эдэнд алга хамаг хүнд ачаагэмнэлэг ЭМЯ тохоод бултчихлаа иргэд өөрсөдөө мэд гэнээ цар тахал шүү дээ цагаан сарыг бүх аймаг сум хот хүрээд хориг тавих ёстой шинэлсэнгүй гээд хүн үхчихгүй харин үй олоноор нь золгуут хийлгэж устгах гэж бга юм шиг цагаан сарыг хөл хорихгүй зүгээр гайгүй ханиад гэж иргэдэд мсж тарааж бна энэ чинь улс орноо ард иргэдээ үхэлрүү түлхэлээ УОК

  2. Зочин

    Овоо буурч байсан чинь ёлко гэж дальжиганацгааж байгаад сэдрээчихлээ, заваан амьтад. Одоо цагаан сар гэж дальжиганацгаав даа, дүнхүү амьтад .

  3. Ах лам

    Ингэж Ингэж цагаан сарын баярыг байхгүй болгох юм байна бас томчууд н монгол соёл иргэншил бүгд мангар болоод дууслаа.баярллаа мангар хүүрүүдээ