Дэлхийн банкнаас 3.6 тэрбум төгрөгийн өртөг бүхий эрчимт эмчилгээний иж бүрэн тоног төхөөрөмжийг гардуулан өглөө

Эрүүл мэндийн яам нь Дэлхийн банкны санхүүжилтээр “Монгол Улсын COVID-19-аас урьдчилан сэргийлэх, хариу арга хэмжээ авах, бэлэн байдлыг хангах” төслийг 2020 оны дөрөвдүгээр сараас эхлэн хэрэгжүүлж байгаа билээ.

Тэгвэл уг төслийн хүрээнд өнөөдөр Дэлхийн банкны санхүүжилтээр эмнэлгүүдэд нэн шаардлагатай эрчимт эмчилгээний 3.6 тэрбум төгрөгийн өртөгтэй тоног төхөөрөмжийг хүлээлгэн өгөх үйл ажиллагаа боллоо.

Тус үйл ажиллагаанд Эрүүл мэндийн сайд С.Энхболд, Дэлхийн банкны Монгол улсыг хариуцсан Суурин төлөөлөгч Андрей Михев, ЭМЯ-ны Эмнэлгийн бодлого,хэрэгжилтийг зохицуулах газрын дарга Б.Буянтогтох болон бусад албаны хүмүүс оролцлоо.

Arslan.mn

Эрүүл мэндийн сайд С.Энхболд:

Дэлхийн банкны санхүүжилтээр нэн шаардлагатай эрчимт эмчилгээний иж бүрэн 1,2 сая ам доллар бүхий тоног төхөөрөмжийг гардуулан өгч байгаад маш их баяртай байна.

“Монгол Улсын COVID-19-аас урьдчилан сэргийлэх, хариу арга хэмжээ авах, бэлэн байдлыг хангах” төслийн хүрээнд Дэлхийн банкнаас нийт 26.9 ам долларын санхүүжилтээр нийслэлийн 9 дүүрэг ба 21 аймгийн нэгдсэн эмнэлэг, УГТЭ, АШУҮИС-ийн дэргэдэх Монгол-Японы сургалтын эмнэлэг, ЭХЭМҮТ-II зэрэг эмнэлгүүдийг шаардлагатай тоног төхөөрөмжөөр хангаж, эмч мэргэжилтнүүдийг сургаж байгаа. Үүний зэрэгцээ Дэлхийн банкны 50.7 сая ам.долларын нэмэлт санхүүжилтийг ХӨСҮТ-ийн Вакцин, биобэлдмэлийн үндэсний төв агуулахын барилга, эрчим хүчний хэмнэлттэй, байгаль орчинд ээлтэй, шинэ технологийн хүйтэн хэлхээний тоног төхөөрөмж худалдан авахад зарцуулж байна. Энэ мэт маш эрүүл мэндийн салбарт маш том хөрөнгө оруулж байгаа танай хамт олонд талархал илэрхийлье.

Arslan.mn

Дэлхийн банкны суурин төлөөлөгч Андрей Михалив:

Монгол улсад нэн шаардлагатай эмнэлгийн тоног төхөөрөмж, хэрэгсэл гардуулах, болон бусад шалтгаанаар ЭМЯ дээр уулздаг нь уламжлал бидэнд тогтжээ. Өнөөдөр бид Эрүүл мэндийн сайдтай хамтран энэхүү арга хэмжээг зохион байгуулж байгаадаа маш их баяртай байна. Бидний өнөөдөр хүлээлгэж өгч буй тоног төхөөрөмж олон олон иргэдийг үхлийн аюулаас аварна гэж итгэж байна. Үүнээс гадна энэ тоног төхөөрөмжийг ашиглах эмч, мэргэжилтнүүдээ сургах нь маш чухал. Тийм ч учраас бид зөвхөн тоног төхөөрөмж нийлүүлээд зогсохгүй эмч, мэргэжилтнүүдийнхээ мэдлэг, чадварыг нэмэгдүүлэх тал дээр ч мөн маш их анхаарч ажиллаж байна. Бид цаашид ч ЭМЯ-тай хамтран Монгол улсын ард иргэдийг эрүүл саруул байлгахын төлөө ажиллах болно.

Өнөөдөр хүлээлгэн өгсөн тоног төхөөрөмжид тариурын шахуурга, дуслын шахуурга, хяналтын монитор, дефибрилятор, зүрхний цахилгаан бичлэгийн аппарат, зөөврийн өнгөт ЭХО аппарат, дагалдах хэрэгсэлийн хамт, гематологийн бүрэн автомат анализатор зэрэг багтсан бөгөөд эдгээрийг 21 аймаг, 9 дүүрэг, АШУҮИС-ийн дэргэдэх Монгол-Японы сургалтын эмнэлэг, ЭХЭМҮТ, II эмнэлэгт гардуулан өгөх юм.

Arslan.mnArslan.mnArslan.mn

Arslan.mn

⇐ Ирэх сарын 1-ний дотор ӨРШӨӨГДСӨН ТОРГУУЛИА ТӨЛӨХГҮЙ бол түүнээс хойш бүтнээр нь төлнө
Ой, хээрийн түймрийг сансраас авсан мэдээллээр илрүүлнэ ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!