Монголчуудыг үмх махаар үнэлж буй “WOODEN”-ыг анхаараач !!!!

Монгол Улсын нутаг дэвсгэрт үйл ажиллагаа явуулж байгаа гаднын компани, хоолны газар, ресторануудын үйл ажиллагаа, тэдний эздийн даварсан зан авир хэрээс хэтэрсэн тухай мэдээ баримт олон бий. Тэгвэл энэ тухайд хоёр иргэн манай сайтад хандсан төдийгүй зохих газарт нь гомдол гаргаж байгаагаа дуулгасан юм.

Тухайлбал, тэд өнөөдөр 15.30 цагийн орчимд Зайсанд үйл ажиллагаа явуулдаг “WOODEN хэмээх солонгос эзэнтэй хоолны газраар үйлчлүүлжээ. Тэд “Кимчи жигэ” гэх хоол захиалан авчраад идэх гэтэл дотроос нь ялаа гарсан учраас рестораны нөхдөд хэлэхэд “Гал тогооноос ширээ хүрэх замд л ялаа орж үхэж дээ. Ийм зүйл байх ёсгүй” хэмээн мэлзсэн байна. Ингээд үйлчлүүлэгчид рестораны эздэд хандахад “Зун цагт ялаа элбэг шүү дээ. Та бүхнээс хоолны мөнгө авахгүй. Манайхаас мах захиалаад идчих” хэмээн бараг л тохуурхажээ. Үүнээс үзэхэд солонгосчууд Монголд ирж үйл ажиллагаа явуулж байж тухайн улсын иргэнийг нутаг дэвсгэр дээр нь үмх махнаас дор үзэж байгаа нь харагдана.

Тиймээс үйлчлүүлэгчид “Ийм зүйл байж болохгүй. Танайхыг Мэргэжлийн хяналтын байгууллагаар шалгуулна. Наад захын шаардлага хангахгүй байна” гэхэд рестораны солонгос эзэд “Бид учир байдлаа хэлээд мах ав гэлээ. Өөрөөр яах юм. Хэлэх л үгүй юу” хэмээн өөдөөс нь хэрүүл хийсэн байна. Энэ нь их л бардам байгааг илтгэнэ. Үүгээр ч зогсохгүй харь эзэнтэй хоолны газар Нийслэлийн мэргэжлийн хяналтын газар болон бусад эрх бүхий байгууллагыг халаасандаа хийсэн ч гэж болохоор харагдаж байна. Ерөөсөө Монгол Улсын нутаг дэвсгэрт үйл ажиллагаа явуулж байгаа ресторануудын нийтлэг үзэгдэл энэ юм. Тэгэхээр ил цагаандаа гарч, монголчуудын толгой дээр гарсан энэ мэт байгууллагыг эмхэлж цэгцлэх цаг нь болсныг харуулсан хэрэг.

Тэдний хэлж байгаагаар бол рестораны гал тогооноос ширээ хүртэл зөөвөрлөсөн хоолонд ялаа бүү хэл юу ч орж үхэж болох эрсдэлтэй аж. Өөрөөр хэлбэл эрүүл ахуйн наад захын шаардлага хангаж ажилладаггүй гэдгээ нуусангүй. Нөгөө талаар тэд Монгол Улсын засаг захиргааны байгууллагыг үл тоож, иргэдийг нь нутаг дэвсгэр дээр нь доромжилж байгаагийн нэгээхэн жишээ гэдгийг холбогдох байгууллагууд анхааралдаа авна гэдэгт иргэд итгэж байна.

Tumen.mn

⇐ Д.Сумъяабазар: Өглөөний жишиг гудамжийг дүүрэг бүрд үе шаттай байгуулна
Ой, хээрийн түймрийг сансраас авсан мэдээллээр илрүүлнэ ⇒
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. хххх

    зарагч хүүрэвдээ

  2. Ene hool bish hog