Хөвсгөл аймгийн БОАЖГ-ын дарга Г.Энхбаяр ажилтнаа зодож, тархинд нь ноцтой гэмтэл учруулжээ

Хөвсгөл аймгийн БОАЖГ-ын дарга Г.Энхбаяр энэ сарын 17-18-нд шилжих шөнө өөрийн ажилтан Э.Нямдавааг зодож танхайрсан зурагтай мэдээлэл олон нийтийн сүлжээнд гарсан билээ. Хохирогч тархины хүнд хэлбэрийн доргилттой, нүдний доод зовхи урагдалтай гэсэн оношийг эмч нар тавьжээ.

Энэ хэргийн талаар Хөвсгөл аймгийн БОАЖГ-ын дарга Г.Энхбаяр тайлбар хийсэн байна.

Тэрээр “Энэ хэрэг гүтгэлгийн шинжтэй. Ажил, албан тушаалаас болсон хэрэг. Э.Нямдаваа хувийн компанитай. Тэгээд “Намайг тендерт оруулж өгсөнгүй” гэж надад агсам тавьсан юм. Би ч бас зодуулсан. Гэхдээ цахим орчинд өөрийнхөө зургийг нийтэлмээргүй байна. Энэ хэрэг энэ сарын 17-18-нд шилжих шөнө болсон. Э.Нямдаваа Хөвсгөл аймгийн хувийн эмнэлэгт хэвтэн эмчлүүлж байгаа юм шиг байна лээ. Намайг цагдаад өгсөн гэсэн. Одоогоор надаас мэдүүлэг аваагүй байгаа. Мөн миний сэтгэл санаа тогтворгүй байгаа болохоор өөр зүйл ярих боломжгүй байна” гэжээ.

⇐ Т.Бэгзсүрэн:Зургадугаар сарын 25-наас хөл хорио тогтоовол халдварын тоо буурна
Хурандаа нарын хэргийг хэрэгсэхгүй болгожээ ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!