"Халдварын тоо буурвал 7-р сарын 20-ноос хойш аймаг, сумдын наадам хийхийг зөвшөөрнө"

Өнөөдрийн Засгийн газрын хуралдаанаар Үндэсний баяр наадмыг тэмдэглэхтэй холбоотой асуудлыг наадмын комиссоос оруулж ирсэн байна. Нийслэлд цахим наадмыг долоодугаар сард тэмдэглэх шийдвэр хэвээр үлдсэн бол аймаг сумдын наадмыг тэмдэглэх шийдвэрийг өвчний нөхцөл байдлаас хамаарч гаргана гэжээ.

Ерөнхий сайдын хэвлэлийн төлөөлөгч Ч.Болортуяа:

"Улсын баяр наадмыг нийслэлд үзэгчгүйгээр хугацаанд нь тэмдэглэнэ. Харин аймаг сумдын наадмыг хязгаарласантай холбоотойгоор зарим сайд нар санал гаргасан. Ерөнхий сайд болон Шадар сайд өвчний нөхцөл байдал, тохиолдлын тоо мэдээллийг харна. Тохиолдлын тоо буурвал долоодугаар сарын 20-ноос хойш аймаг сумдын баяр наадмыг тэмдэглэх боломжоор хангая, ингэхдээ зөвхөн УОК эрсдэлийн үнэлгээ хийсний дараа аймаг, орон нутгийн наадмыг зохион байгуулах боломжоор хангая гэсэн. Гэхдээ ингэж хэлснээр долоодугаар сарын 20-ноос хойш бүх аймаг сумдад наадам зохион байгуулна гэсэн үг биш. Өвчний нөхцөл байдал, тухайн аймаг сумдын эрсдэлийн үнэлгээг харгалзан энэ боломжоор хангана гэсэн" гэлээ.

⇐ “АЛТАН БИОПЛАС” ХХК-ТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА
Хурандаа нарын хэргийг хэрэгсэхгүй болгожээ ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!