Энэ мэдээ хуучирсан буюу 2021/06/18-нд нийтлэгдсэн мэдээ болно.

“ҮНДЭСНИЙ БӨХ – ҮНЭТ ӨВ” тойргийн барилдаан өнөөдөр болно

Монголын Үндэсний Бөхийн Холбоо Ардын хувьсгалын түүхт 100 жилийн ойг угтан дэлхий нийтийг хамарсан аюулт цар тахал газар авч, айдас түгшүүртэй байгаа энэ үед ард олныхоо сэтгэл санааг өргөж эрч хүч, урам зориг, баяр баяслыг бага боловч бадраах, үндэсний бөхөө сурталчлах, түгээн дэлгэрүүлэх, бөх, жаяг дэгийн багийн гишүүдийн нийгмийн асуудалд дэмжлэг үзүүлэх үүднээс “ҮНДЭСНИЙ БӨХ – ҮНЭТ ӨВ” тойргийн барилдааныг зохион байгуулахаар болсон гэв.

МҮБХ-ноос 2021 оны 06-р сарын 15-ны өдөр гаргасан удирдамжаар барилдааныг зохион байгуулна. Оролцох бөх, жаяг дэгийн баг дараах хуваарийг мөрдөн ажиллана.

Үүнд:

1. Барилдах бөхчүүд болон жаяг дэгийн багийнхныг 2021 оны 06-р сарын 18-ны өдөр 10:00 цагт МБӨ-нд коронавирусийн нэгдсэн шинжилгээнд хамруулж, цахимаар бүртгэсэн бүртгэлийг баталгаажуулж мандат олгоно.

2. Улаанбаатар хотоос барилдаан зохион байгуулах газар руу 11:00 цагт нэгдсэн унаагаар хөдөлж, байрлах газраа 13:00 цагт очсон байна.

3. 13-16 цагт амарна.

4. Барилдаан 16:00 цагт эхэлнэ.

5. Барилдааныг Монголын телевизүүдийн холбооны гишүүн телевизүүд болон МҮОНРТ, ТҮ-9, СПС телевиз шууд дамжуулан хүргэнэ гэлээ.

Эх сурвалж: МОНГОЛЫН ҮНДЭСНИЙ БӨХИЙН ХОЛБОО

“Дээл”-ээ давхарлахаас өөр гарц Засгийн газарт үлдсэнгүй
400 иргэнээ аварч чадаагүй Л.Оюун-Эрдэнийн Засгийн газарт итгэсээр байх уу!
Энэ мэдээ хуучирсан буюу 2021/06/18-нд нийтлэгдсэн мэдээ болно.