Монгол түмэндээ зориулав.


Шуурхай мэдээ

НЭМҮТ:16-69 насны хүн амын 50 хувь нь илүүдэл жинтэй байна

Нийтэлсэн: Монгол Хүү | Нийгэм
2021 05 сар 04 ・ 53

Архаг суурь өвчтэй хүмүүс COVID-19-өөр хүндрэх эрсдэл өндөр байгаа учир энэ халдвараас хэрхэн сэргийлэх талаар НЭМҮТ-ийн ерөнхий захирал Д.Нарантуяа зөвлөгөө өглөө.  

Архаг суурь өвчтэй хүмүүс ковидоор хүндрэх эрсдэл өндөр байгаа учир энэ халдвараас хэрхэн сэргийлэх талаар зөвлөмж өгч байна. Бид Дэлхийн зүрхний холбооноос долоо хоногт тутамд мэдээлэл авч байдаг. Таргалалт бол зүрхний өвчнөөр нас барах, эмнэлэгт хэвтэх өндөр эрсдэлт хүчин зүйл болдог. Тамхи татах нь ковидын хүндрэлийн гол эрсдэлт хүчин зүйл. Нойргүйдэх нь зүрх судасны өвчний нас баралттай холбоотой гэж судлаачид танилцуулж байна.

ЭМЯ-ны мэдээгээр ковидын хөнгөн хэлбэрээр өвчилсөн иргэд 57 хувийг эзэлж байгааг мэдээлсэн бол дэлхий дахинд 80-90 хувь нь хөнгөн хэлбэрээр өвчилж байна. Үүний гол шалтаан нь Монголд архаг суурь өвчний эрсдэлт хүчин зүйл олон байгаагийн илрэл. НЭМҮТ-өөс 4-5 жилд тутамд ДЭМБ-ын зөвлөмжөөр халдварт бус өвчний эрсдэлт хүчин зүйлийн судалгааг хийдэг. 2019 онд 15-69 насны 6780 иргэнд судалгааны үр дүнгээс товч танилцуулахад, 

  • 40-69 насны 5 хүн тутмын нэг нь зүрх судасны өвчтэй, эсвэл ойрын 10 жилдээ энэ өвчинд өртөх эрсдэлтэй байна. 16-69 насны хүн амны 49.4 хувь нь илүүдэл жинтэй.
  • Насанд хүрэгчдийн 44 хувь нь даралт ихсэх өвчтэй. Бодисын солилцооны хам шинж буюу таргалалт, чихрийн шижин, даралт ихсэх өвчтэй иргэд хүн амын 28.6 хувьд байна. Тэр дундаа эмэгтэйчүүдэд энэ эмгэг түгээмэл байна. Энэ бүх эмгэгийн шинж тэмдэггүй цоо эрүүл хүн Монгол Улсын нийт хүн амын 4-хөн хувийг эзэлж буй юм. Монголчуудад суурь, архаг өвчний эрсдэлт хүчин зүйл маш өндөр байна. 

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх