Монгол түмэндээ зориулав.


Шуурхай мэдээ

Сэтгэцийн эрүүл мэндийн салбарын АНХНЫ цахим сэтгүүл “COLORFUL MIND” нээлтээ хийлээ

Нийтэлсэн: Монгол Хүү | Нийгэм
2021 04 сар 06 ・ 208

Сэтгэцийн эрүүл мэндийн үндэсний төвийн  сэтгэцийн эмч нараас бүрдсэн "Медик"-ийн хамт олон “Эрүүл мэнд энэ насны жаргал” уриатайгаар сэтгэцийн эрүүл мэндийн боловсрол эзэмшүүлэх, эрүүл аж төрөх ёсыг хэвшүүлэн хөгжүүлэх, хүн амын эрүүл мэндийн байдлыг дээшлүүлэх зорилготойгоор сайн дурын үндсэн дээр байгуулагдан ажиллаж байна. Тэд MEDIC фейсбүк пэйж хуудсаараа дамжуулан хувь хүний хөгжилд бодит нэмэр болохуйц мэдлэгийг түгээж өдөр тутмын амьдрал, насан туршид нь нөлөөлөх, чанартай боловсрол олгох, үргэлж мэдээллийн шинж чанарт анхаарч эрэлт хэрэгцээтэй, үнэн зөв, үнэ цэнтэй мэдээ мэдээллийг бэлтгэн иргэддээ зориулан хүргэдэг.

Сэтгэцийн эмч нараас бүрдсэн MEDIC пэйжийн хамт олны зүгээс сэтгэцийн эрүүл мэндийн салбарын АНХНЫ цахим сэтгүүл болох "COLORFUL MIND" сэтгүүл уншигч таны гарт хүрэхэд бэлэн болжээ.

Сэтгүүлийнхээ анхны дугаартаа тэд сэтгэцийн эрүүл мэндийн тухай шинжлэх ухаанд суурилсан мэдээ, мэдээлэл, сэтгэцийн эрүүл мэндийн тусламж үйлчилгээ үзүүлдэг байгууллага хамт олон, хувь хүмүүсийн танилцуулга, сэтгэцийн эрүүл мэндийн салбарыг кино, утга зохиол, урлагаар дамжуулан олон нийтэд сонирхолтой хэлбэрээр хүргэхээр зорьжээ.

 "COLORFUL MIND" сэтгүүлийн анхны дугаарыг World plus аппликэйшнээр дамжуулан үнэ төлбөргүйгээр уншиж, сэтгэцийн эрүүл мэнддээ хөрөнгө оруулалт хийгээрэй. 

Дэлхий нийтээрээ цар тахалтай нүүр тулж байгаа энэ өдрүүдэд бидний бэлтгэсэн мэдээ мэдээлэл танд бага ч атугай гэрэл гэгээ авчрах болтугай. 

Уншигч танд сэтгэлийн амар амгаланг хүсэн ерөөе!

Arslan.mn

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх