Монгол түмэндээ зориулав.


Шуурхай мэдээ

Ерөнхийлөгч Х.Баттулга “Голомт”-ын Д.Баясгалан хоёр муудалцав уу

Нийтэлсэн: Монгол Хүү | Улстөр
2021 04 сар 05 ・ 588

Нэгэнтээ төмөр замын “хэрэг” мандуулж явсан Ерөнхийлөгч Х.Баттулга энэ дуулианаа том бүтээн байгуулалтаар гэрэлтүүлэх замаар төмөр замд анхаарал хандуулж ажиллаж байгааг эх сурвалжууд бичиж ярьж байна. Тиймээс үүндээ “Голомт”-ын Д.Баясгаланг татан оролцуулсан ч сүүлийн үед эрхэм хоёрын нөхөрлөлд ан цав суусан бололтой. Учир нь дуулиан дэгдээж байсан төмөр замын ажлыг концессын гэрээгээр “Голомт”-ын Д.Баясгалан санхүүжүүлж байгаа. Үүн дотор олон маргаантай асуудал байгааг ч хэвлэлүүд онцлоод эхэлсэн байна.

Жишээлбэл, Д.Баясгаланг Ерөнхий прокурор асан Д.Дорлигжав, "Алтан Дорнод Монгол"-ын ТУЗ-ийн дарга Т.Ганболд нарын асуудалтай холбоотойгоор баривчилсан хэмээж байв. Харин Ерөнхийлөгч Х.Баттулга Д.Баясгаланг энэ хэргээс аварч, төмөр замын санхүүжүүлэгчээр татан оруулсан гэдгийг хэвлэлүүд бичиж байна. Энэ бол Монгол Улсад ашигтай том төсөл учраас элдэв улс төргүй, ямар ч аргаар хамаагүй урагшаа явуулах нь чухал гэдгийг эдийн засагчид ярьж байна.

Хэрэгт татагдаж явсан Д.Баясгалан “Тавантолгой түлш” компанийн сайжруулсан түлшний тоног төхөөрөмж нийлүүлэх тендерт тодорч, төрийн нууцад хамааруулсан төмөр замын тендерт ялагч болсон, Д.Баясгалан өөрөө ч Гавьяат эдийн засагч хэмээх цол хүртэж гээд мандаж явсан.

Ийнхүү мандаж явсан Д.Баясгалангийн зарим нэг зүйлийг шалгаж байх магадлалтай юм байна. Тодруулбал, тэр бизнесийн салбарын хүн учраас улс төр харгалзалгүй АН МАН-гүй сүжирч, хамтрагч Х.Баттулгынхаа дургүйг хүргэсэн гэдгийг эх сурвалж хэллээ. Үүнээс үүдсэн маргаан чухам хаа хүрч зогсох юм бол гэсэн таамаг олон байна. Гэвч бид дараа дараагийн шинэ мэдээллээр дамжуулан хүргэх болно. Гэхдээ энэхүү том төслийг улстөржүүлж болохгүй гэдгийг хаа хаанаа анхаарах хэрэгтэй.

Tumen.mn


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх