Монгол түмэндээ зориулав.


Шуурхай мэдээ

АВИЛГАТАЙ ТЭМЦЭХ ГАЗРААС Н.ГЭРЭЛТ-ОД, Ж.АРИУНАА НАРЫН ХАМТРАН ҮЙЛДСЭН АВИЛГА АВСАН ГЭМТ ХЭРГИЙГ ТОГТООЖЭЭ

Нийтэлсэн: Монгол Хүү | Нийгэм
2021 01 сар 19 ・ 1884

Нийслэлийн Мэргэжлийн хяналтын газрын Экспорт, импорт, хилийн хорио цээрийн хяналтын хэлтсийн дарга Н.Гэрэлт-Од нь хувийн ашиг сонирхолыг албаны эрх ашгаас дээгүүр тавьж үйлчлүүлэгч аж ахуйн нэгжээс улсын ахлах байцаагч Ж.Ариунаагаар дамжуулан бэлэн мөнгө нэхэж авсан хэргийг харъялалын дагуу Авилгатай тэмцэх газраас мөрдөн шалгах ажиллагаа явуулж эрүүгийн гэмт хэрэг үйлдсэнийг тогтоож, яллагдагчаар татан, шүүхэд шилжүүлэх саналтайгаар Нийслэлийн прокурорын газарт хүргүүлсэн байна.

Н.Гэрэлт-Одод холбогдох авилга албан тушаалтны хэргийг нийслэлийн прокурор хянаж үзээд Эрүүгийн хуулийн тусгай ангийн 22.4 дүгээр зүйлийн 1-д заасан “Хахууль авах” гэмт хэргийг үйлдсэн байна гэж эрүүгийн хэрэг үүсгэн яллах дүгнэлт үйлдэж шүүхэд шилжүүлэн Чингэлтэй дүүргийн эрүүгийн хэргийн анхан шатны шүүх шүүн хэлэлцэж байна.

Уул нь төрд алба хашиж буй албан хаагч нь хууль, дүрэм, журмаа мэддэг, түүнийгээ баримтлан аливаа ашиг сонирхлоос ангид, ёс зүйтэй, мэргэшсэн боловсон хүчин байхаар хуульчлагдсан байдаг.

Мэдээж төрийн алба нь төрийн албаны нэр хүндийг сэвтүүлж, олон нийтэд муухай харагдуулж байгаа энэ ёс зүйгүй авилгачин албан хаагчдад хариуцлага тооцож таарна.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй