Монгол түмэндээ зориулав.


Шуурхай мэдээ

Жоомнуудыг химийн хороор устгах боломжгүй болсныг эрдэмтэд туршилтаар тогтоожээ

Нийтэлсэн: Монгол Хүү | Нийгэм
2019 07 сар 02 ・ 1632

Хүнтэй ойр амьдардаг шавьж болох жоом нь химийн ямар ч хоронд үхдэггүй дархлаатай болсныг АНУ-ын Пердью их сургуулийн судлаачид туршилтаар тогтоожээ.

 

Тэд хамгийн түгээмэл байдаг Герман жоомны (Blattella germanica) төрөл дээр туршилт явуулсан тайлангаа Scientific Reports сэтгүүлд нийтлүүлсэн байна.

Жоомнууд шинэ гаргасан химийн хоронд нэг үе өнгөрсний дараа дасан зохицож, дархлаатай болж байжээ. Туршилтад оролцсон эрдэмтэд өмнө нь дасан зохицох үйл явц ийм хурдтай явагдаж байсныг хараагүйгээ гайхан ярьсан байна.

Пердью их сургуулийн лабораторид болон Иллиноис, Индиана мужуудын хэд хэдэн барилгын жоомнууд дээр олон янзын химийн хороор туршилтыг явуулсан байна.

Цаашдаа химийн хороор жоом устгах арга найдваргүй болж, зөвхөн урхи, тоос сорогчоор цуглуулаад механикаар устгах арга үр дүнтэй болсныг уг туршилт харуулжээ.

Туршилтад ашигласан Герман жоом нь амьдралынхаа туршид 400 орчим өндөг гаргадаг бөгөөд төрөл бүрийн халдварт өвчний нян тараах, ялгадас, биеийн үлдэгдэл нь харшил үүсгэх муу нөлөөтэй байдаг.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх

  • Зочин / 2019 08 сар 20/

    Дээр үеийн жоомнууд чанасан төмсөнд борын хүчил шингээгээд тавьчихад хиардаг л байж билээ

    Хариулах
  • Зочин / 2019 07 сар 06/

    huren konjomtoi zaluus ene delhiin shine ezed bolohondee

    Хариулах
  • Зочин / 2019 07 сар 06/

    Худал мэдээлэл, Улаанбаатарын өвөл цонхоо нээхэд л утаанд нь муу сайн жоомнууд хиар явж байна лээ.

    Хариулах