Монгол түмэндээ зориулав.


Шуурхай мэдээ

ЭМЯ:"Улаантариа-2" буюу төрөлхийн тэмбүү өвчнийг устгах хоёр жилийн аян эхлүүлж байна

Нийтэлсэн: Монгол Хүү | Нийгэм
2019 06 сар 10 ・ 111

Эрүүл мэндийн яамнаас тэмбүү өвчнийг устгах, цаашид авч хэрэгжүүлэх арга хэмжээний талаар мэдээлэл хийлээ. 

Эрүүл мэндийн сайд Д.Сарангэрэл, Эрүүл мэндийн салбар бэлгийн замаар дамжих тэмбүү өвчинтэй дайн зарлаж байна. Жилд халдварт өвчний 35-40 хувийг тэмбүү өвчин эзэлж байна. Жилд 50-55  хүүхэд төрөлхийн тэмбүүтэй төрж байна. 1990 оноос өмнө хүн амынхаа 95.5 хувийг урьдчилан сэргийлэх үзлэгт оруулж, 87 хувийг нь эмчилж байсан. Өнөөдөр бид тэмбүү өвчинтэй тэмцэх цаг болсон. Энэ асуудал ҮАБЗ-ийн түвшинд хүрч, яригдаж байгаа энэ асуудал олон жилийн турш яригдсаар ирсэн. Тиймээс бид ярианаас ажил руу шилжиж байна. Мэргэжлийн бүх хүмүүс энэ чиглэлийн үйл ажиллагаа нь төрийн бодлогын түвшинд явагдах ёстой гэдгийг хүлээн зөвшөөрч байна. Тиймээс эрүүл мэндийн салбар нийгмийн халдварт өвчинтэй тэмцэж ,үр дүнг нь үзэх үйл ажиллагаанд бүрэн бүрэлдэхүүнээрээ орсон. 

ЭМЯ-ны Эмнэлгийн тусламжын газрын даргын ажлыг түр орлон гүйцэтгэгч,  Хяналт-шинжилгээ, үнэлгээ, дотоод аудитын газрын дарга Я.Амаржаргал, ЭМЯ, Эрүүл мэндийн сайдын зөвлөл өнөөдөр түүхэн шийдвэр гаргаж байна. "Улаантариа-2" буюу төрөлхийн тэмбүү өвчнийг устгах хоёр жилийн аян эхлүүлж байна. Хүн амын дундах тэмбүү өвчнийг усгах зорилготой аяны зорилт нь нэгдүгээрт, жирэмсэн ээжүүдийн хяналтыг сайжруулах, төрөлхийн тэмбүү өвчний тохиолдлыг бууруулах. Хоёрдугаарт , хүн амын дунд тэмбүүгийн халдварыг оношлож, эмчлэн устгах юм.  Энэ үйл ажиллагааг зөвхөн эрүүл мэндийн салбар хийхгүй иргэдийн оролцоо чухал. 

ХӨСҮТ-ийн дарга Д.Нямхүү: Тэмбүүгийн тархалт манай улсад социализмын үеийнхээс эрс нэмэгдсэн. Нийгмийн хүчин зүйл архидалт, ядуурал, гэр бүл салалт, хувь хүний зан үйлтэй холбоотой. социализмын үед маш сайн хяналт эмчилгээ, оношлогоо далайцтай сайн хийж үүний цаана байгаа хавьтагчийг илрүүлэн оношилж байсан. Энэ өөрчлөгдсөн. Хүний эрх, ажилгүйдэл, байгууллагууд ажилтнуудаа үзлэг шинжилгээнд хамруулахгүй байгаа байдал. Мөн уул уурхай уурхайд маш олон залуус ажиллаж гэр бүлээсээ хол байгаа нь БЗХӨ тарааж байгаа энэ байдлатай тэмцэх ёстой.  Энэ бол зөвхөн эрүүл мэндийн салбарын ажил биш, нийгмийн ажил. Тэмбүү нь агаар дуслаар биш зөвхөн тухайн хүний бэлгийн хавьталаар халдварладаг учир үүн дээр онцгой байгаарай. 

Хувь хүнээс мөнгө гаргахгүй. Улсын төсөв, ЭМД-ын сан, Глобаль сангийн санхүүжилтээр тэмбүүгийн тархалтыг таслан зогсооно. Ард иргэд маань энэ үзлэгт хойш суулгүй хамрагдаарай. Жирэмсэн эмэгтэйчүүд өрхийн эмнэлэгийн хяналтад ороод эмчлүүлээд явах юм бол бүрэн эмчлэгдэнэ. Жирэмсэн үедээ эмчлүүлэх юм бол урагт нөлөөлөхгүй. Эрүүл хүүхэд төрнө.

БЗД-ийн 21-р хорооны "Ачитсайхан" ӨЭМТ-ийн дарга Т.Аварга: Тэмбүүтэй тэмцэх хоёр жилийн аян зарлагдаж байгаад өрхийн эмчийн хувьд их баяртай байна. Өрхийн эмнэлэг дээр үүсдэг асуудлын нэг нь тэмбүү өвчин байдаг. Эмэгтэйчүүдийг жирэмсний хяналтад ороход нь үнэ төлбөргүй ДОХ/БЗДХ, тэмбүүг илрүүлэх түргэвчилсэн тест хийдэг. Тэмбүү илэрвэл хоёр дахь шатны эмнэлэгтэйгээ хамтарч эмчилдэг. Нэг сэтгэл зовоосон зүйл нь  өвчтөн хавьтагч буюу нөхөртэйгээ хамт ирж, эмчлүүлэх хэрэгтэй байдаг.  Гэтэл нөхөр нь ирдэггүй. Манай эмнэлгийн хувьд 2018 оны 6 сард 43 ээж илэрсэн бол 2019 оны 6-р сард 13 илэрсэн байна. Бид өрхийн эмнэлэгтээ сургалт явуулдаг ч ирдэг хүн байдаггүй. Бид хоёр жилийн хугацаанд сургалт сурталчилгаа явуулж, тэмбүүтэй иргэдээ бүрэн эмчлэхэд анхаарал хандуулан ажиллах болно. 

 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх