Монгол түмэндээ зориулав.


Шуурхай мэдээ

ТЦА-ны алба хаагчид англи хэлний ярианы сургалтанд хамрагдаж байна

Нийтэлсэн: Монгол Хүү | Нийгэм
2019 05 сар 08 ・ 249

Тээврийн цагдаагийн албанаас алба хаагчдад англи хэлний мэдлэг олгох зорилгоор “Англи хэл-30 хором” аяныг энэ жилийн хугацаанд зохион байгуулж байгаа билээ. Энэ аянаар алба хаагчид англи хэлний өдөр тутмын болон албаны үйл ажиллагаатай холбоотой үг, өгүүлбэрийг бие даан суралцахаас гадна бусад гадаад хэлний сургалт, төрийн бус байгууллагуудтай хамтран олон төрлийн сургалт, хөтөлбөр, арга хэмжээг зохион байгуулж байна.

Үүний нэг сургалт нь “Centurions” буюу Цэрэг, цагдаагийн нөхөрлөл олон улсын байгууллага, Тээврийн цагдаагийн албаны хамтын ажиллагааны хүрээнд тус албаны харъяа газар, хэлтэс, нэгжийн алба хаагчдын англи хэлний ярианы түвшинг нэмэгдүүлж харилцааны чадварыг хөгжүүлэх зорилгоор  АНУ-ын Стэнфорд их сургуулийн багш нар 14 хоногийн хугацаанд өдөр бүр явуулж байгаа юм.

Энэхүү сургалт нь дотроо анхан шатны болон дунд, гүнзгийрүүлсэн гэсэн хоёр ангилалтай ба нийт 40 алба хаагч хамрагдаж байна.

 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх