Монгол түмэндээ зориулав.


Шуурхай мэдээ

Эмч нар бяцхан үрсээ осол, гэмтлээс хамгаалахыг уриаллаа

Нийтэлсэн: Монгол Хүү | Нийгэм
2019 04 сар 11 ・ 738

Дэлхий дахинд осол, гэмтлийн улмаас жилд 5.8 сая хүн амь насаа алдаж, 600 гаруй сая хүн хөгжлийн бэрхшээлтэй болж, зам тээврийн ослоос үүдэлтэй нас баралтын дийлэнх хувийг 5-29 насны хүүхэд, залуучууд эзэлж байна. Ослоос жилд 700 тэрбум ам. долларын хохирол учирч байгааг Дэлхийн эрүүл мэндийн байгууллага  мэдээлсэн байна.

Гэмтэл согог судлалын үндэсний төвийн статистик мэдээлэл, тандалт судалгааны албаны мэдээллээр улсын хэмжээнд 2018 онд 19 нас хүртэлх хүүхдийн 52,258 осол гэмтлийн шинэ тохиолдол бүртгэгдсэн нь нийт осол гэмтлийн 36.3 хувийг эзэлж байгаа бөгөөд 27.8 хувь зам тээврийн ослын шалтгаантай байна. Осол гэмтлээр 375 хүүхэд нас барсан нь нийт нас баралтын 14.3 хувийг эзэлж, жилд 52 хүүхэд нас барж байна.

Эмч нар бяцхан үрсээ осол, гэмтлээс хамгаалахыг уриаллаа

Тээврийн цагдаагийн албаны урьдчилан сэргийлэх хэлтсийн мэдээллээр улсын хэмжээнд энэ оны эхний улирлын байдлаар хүүхэд өртсөн осол 145 бүртгэгдэж, 7 хүүхдийн амь нас хохирч, 33 хүүхэд хүнд, хүндэвтэр байдлаар гэмтэж бэртсэн нь өнгөрсөн оны мөн үетэй харьцуулахад амь насаа алдсан хүүхэд 2.3 дахин өссөн байна.

Иймд осол гэмтэлд өртсөн хүүхдүүдийг эмчилж эдгэрүүлж байгаа эмч нарынхаа санал санаачилгаар эмч нар ард иргэддээ хариуцлагыг ухамсарлуулах зорилгоор “Авто ослоор алаг үрсээ алдсаар байх уу” сэдэвт өдөрлөгийн үйл ажиллагааг зохион байгууллаа.

Эмч нар бяцхан үрсээ осол, гэмтлээс хамгаалахыг уриаллаа

Эмч нар бяцхан үрсээ осол, гэмтлээс хамгаалахыг уриаллаа

Эмч нар бяцхан үрсээ осол, гэмтлээс хамгаалахыг уриаллаа

Эмч нар бяцхан үрсээ осол, гэмтлээс хамгаалахыг уриаллаа


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх