Монгол түмэндээ зориулав.


Шуурхай мэдээ

УИХ-ын гишүүн асан Д.Гантулгыг цагдан хорихгүй, хилээр гарахыг нь хязгаарлалаа

Нийтэлсэн: Монгол Хүү | Нийгэм
2019 01 сар 31 ・ 402

УИХ-ын гишүүн асан Д.Гантулгыг цагдан хорих хүсэлт шүүхэд ирж, уг хүсэлтийг өнөөдөр Хан-Уул дүүргийн шүүхэд хэлэлцлээ. Тодруулбал, Хан-Уул дүүргийн эрүүгийн хэргийн анхан шатны шүүхэд 2019 оны 01 дүгээр сарын 29-ны өдөр УИХ-ын гишүүн асан Д.Гантулгыг Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.4 дэх хэсэгт заасан "Урьд авсан таслан сэргийлэх арга хэмжээг зөрчсөн” үндэслэлээр Нийслэлийн прокурорын газраас цагдан хорих таслан сэргийлэх арга хэмжээ авахуулахаар ирүүлсэн саналтай хэргийг 2019 оны 01 сарын 30-ны өдөр шүүн, хэлэлцээд Д.Гантулгыг цагдан хорих шаардлагагүй гэж үзжээ. Гэхдээ Д.Гантулгад авсан хувийн баталгаа гаргах, Монгол улсын хилээр гарахыг хязгаарласан таслан сэргийлэх арга хэмжээг үргэлжлүүлэхээр шийдвэрлэсэн байна. 

Сануулахад, УИХ-ын гишүүн асан Д.Гантулга нь иргэн Н-г хүчирхийлсэн гэх хэрэгт холбогдон шалгагдаж байгаа. Улмаар УИХ-ын гишүүнээс өөрийн хүсэлтээр чөлөөлөгдсөн байдаг юм. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх