Европ тивийн хөлбөмбөгийн аварга шалгаруулах тэмцээн Франц улсад үргэлжилж байгаа бол, олон улсын дугуйн холбооноос зохион байгуулдаг дэлхийн цуврал уралдаанд багтдаг “Tour de France” дугуйн олон өдрийн уралдаан энэ сарын 2-нд нээлтээ хийн өнгөрсөн шөнө хоёр дахь гараагаар үргэлжлэн явагдлаа. Францын баруун хойд хэсэгт орших Сэйн Логоос 183 км-ын зайд орших Шербур Октевилле хүртэл явагдсан хоёр дахь гараанд “Tinkoff” багийн 26 настай Словак дугуйчин Петер Саган 4 цаг 20 минут 51 секундээр бүх дугуйчдыг тэргүүлэн энэ гарааны ялагч боллоо. Тэгвэл түүний араас “Etixx quick step” багийн Итали дугуйчин Жулиан Алафилипп хоёрт, “Movi-Star” багийн туршлагатай Испани дугуйчин Алехандро Вальверде гуравдугаар байранд тус тус орж ирлээ. Словакын дугуйчин Петер Саган энэ гараанд тэргүүлснээр нийт онооны шар өмсгөлийг 8 цаг 34 минут 42 секундээр тэргүүлж эхлэн өмссөн бол, оноогоор тэргүүлэгчид олгодог ногоон өмсгөлийг 87 оноогоор мөн эзэмшиж эхэлсэн. Өнөөдөр дугуйчид Гранвиллээс 223,5 км-ын зайд байрлах Анжер хүртэл шулуун замд гурав дахь гараандаа уралдах болно. 

Б.Энхтулга