Монгол түмэндээ зориулав.


Шуурхай мэдээ

Н.Төгсцогтод зориулсан хар тугийг хурдан удмын 99 адууны дэл сүүлнээс дээжилжээ

Нийтэлсэн: Монгол Хүү | Спорт
2019 01 сар 29 ・ 325

Мэргэжлийн боксын IBO холбооны алтан бүсийн төлөө тулалдаж, ялалт байгуулсан Монгол Улсын гавьяат тамирчин Н.Төгсцогт тулаанд гарч ирэхдээ өмнөө Их хар туг залсан нь Монголчуудын сэтгэл, зүрхий огшоосон мөч байв. Үүнийг Монгол Улсын арслан Р.Пүрэгдагва барьж гарч ирж байсан юм.

Энэхүү хар тугийг Н.Төгсцогтын тоглолтод зориулан "Алтан Дорнод Монгол" компанийн захирал Т.Ариунболд санаачлан бүтээж, АНУ руу аваачсан байна. Дээрх компани нь Н.Төгсцогтыг ивээн тэтгэдэг билээ.

Чингис хаан тулаанд мордохдоо ялалтыг билэгшээж, хар туг авч явдаг байсан гэдэг. Тэр утгаар “Barclays Center”-т залсан тугийг Монгол Улсын хөдөлмөрийн баатар, гавьяат малчин, тод манлай уяач Д.Даваахүү, гавьяат малчин, тод манлай уяач Д.Онон нарын зэрэг уяачийн сойдог хурдан удмын 99 адууны дэл, сүүлээс дээжлэн бүтээжээ.

У.Баярсайхан 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх