Монгол түмэндээ зориулав.


Шуурхай мэдээ

Дулааны II цахилгаан станцын дарга С.Бямбаахүүг ТӨХ хууль бусаар халахаар зүтгэж эхэлжээ

Нийтэлсэн: Монгол Хүү | Нийгэм
2015 04 сар 14 ・ 528

Дулааны II цахилгаан станцын дарга С.Бямбаахүүг үүрэгт ажлаас нь чөлөөлөх тогтоолыг ТӨХ-ноос гаргасан байна. Түүний 2014 оны ажлын биелэлт “хангалтгүй” гэх шалтгаанаар ажлаасаа чөлөөлөгдсөн аж. Энэхүү тогтоолыг ажилтнууд нь мөн эсэргүүцэж байгаа гэнэ. Учир нь тус станцын дарга С.Бямбаахүү нь салбартаа олон ажил ажиллаж байгаа, ТӨХ-ны тогтоолын дагуу гүйцэтгэх захирлын 2014 оны зорилтот түвшингийн биелэлт нь 95.3 хувь гарсан байна. Үүнээс харахад уг станцын дарга С.Бямбаахүүгийн ажлын биелэлт хангалттай гэсэн дүр зурагтай харагдаж байгаа юм. Гэвч тэрбээр Дулааны II цахилгаан станцын даргын ажлыг авч явж чадахгүй байна гэж ТӨХ-ныхон үзэж, халахаар оролдож эхэлсэн нь энэ аж. Ажлаа сайн хийж байгаа гэх дүгнэлт гарчихаад байхад ийнхүү ажлаас нь халж буй нь улс төрийн нөлөөтэй гэж харагдаж байна.

ТӨХ-ны даргын үүргийг Ш.Солонго түр орлон гүйцэтгэж байгаа. ТӨХ-ны дарга Ц.Нанзаддоржийг өөрийнх нь хүсэлтээр үүрэгт ажлаас нь чөлөөлсөн. Харин түүний оронд ЗГХЭГ-ын Тэргүүн дэд даргын албан тушаалыг хашиж байсан Ш.Солонгыг түр орлон гүйцэтгэгчээр тавьсан юм. Ш.Солонгын хувьд аль ч засгийн үед ажилладаг гэдэг. Харин Ерөнхий сайд Н.Алтанхуягийн Засгийн газрын үед ажлаа буусан ч, үндэслэлгүй халагдсан гэж шүүхээр шийдүүлж, ажилдаа томилогдох шийдвэрийг гаргуулж байсан нэгэн. Түүний хувьд Ерөнхий сайд Ч.Сайханбилэгтэй нэлээд гайгүй харилцаатай. Энэ ч утгаараа ТӨХ-ны даргын үүргийг түр орлон гүйцэтгэж, улмаар агентлагийн дарга нарыг “ажлын биелэлт муу” гэх үндэслэлээр нэг нэгээр нь халж эхлэв бололтой.

“Монгол шуудан” компанийн захирлын тухайд ч мөн ажлаа сайн хийсэн ч, “хангалтгүй ажилласан” гэх нэрийдлээр ажлаасаа чөлөөлөгдсөн. Мөн л ТӨХ-ноос уг шийдвэрийг гаргаж, “дээрээс өгсөн шийдвэр” гэх нэрээр агентлагийн дарга нарын оронд улс төрийн томилгоо хийж байгаа аж.

Уг нь УИХ-ын хаврын чуулганы нээлтийн үеэр УИХ-ын дарга З.Энхболд “төрийн албан хаагчдыг үндэслэлгүйгээр ажлаас нь халж болохгүй” гэж хэлж, сануулж байсан. Гэвч төрийн албан хаагчдын халаа сэлгээ, агентлагийн дарга нарын томилгоо хүчтэй явагдаж эхэллээ. Тухайн байгууллагын ажилтнууд нь шинэ даргаа хүлээн зөвшөөрөхгүй, салбараа мэддэг хүнээр удирдуулах хүсэлтээ илэрхийлж, жагсаал хүртэл өчигдөр хийсэн. Энэ мэт хууль бусаар ажлаас нь халж байгаа явдлыг Ерөнхий сайд Ч.Сайханбилэг та мэдэж байна уу, аль эсвэл Ш.Солонго гэдэг хүнээр дамжуулж, өөрөө ийм томилгоог хийж эхлэв үү. Засгийн газар богино “нас”-тай. Ийм богино хугацаанд аливаа нэг агентлагийн даргыг сольж, шинэ томилгоо хийж буй нь төрийн ажлыг урагшлуулах гэхээс илүүтэй, нэг алхмаар хойш нь татж байгаа явдал болов уу. Худал үндэслэлээр ажлаас нь халж байгаа төрийн албан хаагчдыг хамтран ажиллагсад нь өмөөрч байна. Ийм үед ТӨХ, цаашлаад Ерөнхий сайд Ч.Сайханбилэг та юу хэлэх вэ.

 

Ц.Цацрал  

Эх сурвалж:Zaluu.com


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх

  • зочин / 2015 04 сар 14/

    З.Энхболдын хийж буй зүйл гэдэггт эргэлзэхгүй байнаа, тонон дээрэмдэж, булаах ажлыг тэр одой л хийдэг.

    Хариулах
  • Зочин / 2015 04 сар 14/

    Энхболдоо сайхан билгээ ер нь энэ болж бүтэхгүй байгаа нөхдөө Үйлийн үр гэж байдаг юм шүү Алд бие чинь эдэлж бархааргүй лай ланчиг үүрч байж Ард үлдэж байгаа ар гэр үр хүүхдэд чинь очих вий

    Хариулах
  • Зочин / 2015 04 сар 14/

    Ярицгаах юм билээ

    Хариулах
  • Зочин / 2015 04 сар 14/

    Хийх естой ажлуудаа хийж чадахгүй байж болж бүтэж байгаа аж ахуй нэгж юу л байна бүгдийг самарч хаяад энэ төрийн эрх барьж байгаа Нөхдүүд чинь ямар хаа****** юм бэ Тэр солонго гээч авгай нь аль дээрийн л будлиан*************д **********лдаад яваад байдаг хүүхэн мөн дөө, Аль ч төрд нүүртэй гэж ярицга

    Хариулах
  • Зочин / 2015 04 сар 14/

    Наад Бям********үү чинь бараг өвгөнтийн архичин ш дээ. Харин удаан ажиллаа. Гүндалай ба Баярбаатарт их юм хийж өгдөг гар гэсээн.

    Хариулах
  • Зочин / 2015 04 сар 14/

    Энэ бол УИХ дарга З.Энхболдын төрийн өмчийг үнэгүйдүүлэн хувьчилахдаа гаршсан ажлаа гүйцэлдүүэх нүхээ малтаж байгаа хэрэг одоо наадах чинь удирдлагыг нь сольж өөрийн хүнээ болгоод дараа нь эвтэйхэн хувьчилаад авчих хүн дээ. Яахаараа ам ажил нь зөрж ард түмнийг шулахын төлөө дон шүгэлсэн байдаг байна

    Хариулах