Монгол түмэндээ зориулав.


Шуурхай мэдээ

Украинд дэлгүүрүүдийн лангуу хоосорчээ

Нийтэлсэн: Монгол Хүү | Дэлхий
2015 02 сар 27 ・ 389

Украины мөнгөн тэмдэгт гривнагийн ханш огцом унаснаас иргэд сандарч, дэлгүүрүүдийн лангууг хоосолжээ. Украины парламентын гишүүн олигарх Виктор Балога “Манай иргэд дэлгүүрүүдийн лангуун дээр байсан гурил, цөцгийн тос, элсэн чихэр, будаа зэрэг нийгэмд нэн чухал барааг хуу хамаж байна. Энэ бол иргэд маргааштаа итгэлгүй байгаагийн эхний шинж тэмдэг” гэжээ. Тэрбээр энэ үзэгдлийн гол буруутан нь эрх баригчид гэж үзсэн байна. Түүнчлэн ХАА-н салбарт хөрөнгө эзэмшдэг албан тушаалтнууд хүмүүсийн сэтгэл санаагаар тоглож, ахиу ашиг олохыг зорьж байна гэж дүгнэжээ. “Эрх баригчдын дунд хөдөө аж ахуйн салбарынхан олон. Тэдний дунд бүтэгдэхүүний нийлүүлэлтийг зогсоосон нэлээд хэдэн хүн байна. Битгийн олны дунд сандрал, зохиомол хомсдол үүсгэ. Бүтээгдэхүүнээ нийлүүлж эхэл. Эсвэл нэг бүрийнх нь нэргийг дуудах уу” гэжээ. Украины мөнгөн тэмдэгт гривнагийн ам.доллартай харьцах ханш олон жилийн турш 8:1 –тэй байсан бол сүүлийн хэдэн сарын турш огцом унаж, хар зах зээр нэг ам.долларын50 гривна хүрсэн байна. Одоогийн ханшаар бодоход Украинд цалингийн доод хэмжээ авагсад болон тэтгэвийнхэн сардаа 20 орчим ам.доллар авч буй нь амьдралаа авч явахад хүрэлцэхгүй болжээ.

Эх сурвалж: Unen.mn

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх

  • Зочин / 2015 03 сар 01/

    Украинчууд ганзагын наймаагаа дэмж экспорт импортын татвараа чолоолчих тэгвэл аяндаа бараагаар хахна

    Хариулах