Монгол түмэндээ зориулав.


Шуурхай мэдээ

Ван, Ли овогт хятадуудын 210 сая төгрөгийг дээрэмдэж, амийг нь хөнөөсөн бүлэг этгээд баригдав

Нийтэлсэн: Монгол Хүү | Нийгэм
2015 01 сар 13 ・ 11410

Сүүлийн өдрүүдэд гэмт хэргийн “ерөнцөд” бас л онц хэрцгий үйлдэл  илэрлээ.  Монголын эрүүгийн элементүүд гадаадын иргэд рүү халдах явдал  дахин  тохиож буй нь энэ. Баянгол дүүргийн хоёрдугаар хорооны 71-ийн “Б” байрны 11 давхарын 84 тоотод уг хэрэг гарчээ. Тэнд Хятадын харъяат хоёр иргэн  амиа алдсан байлаа. Нэг нь хутгалуулж, нөгөөдөх нь боомилуулж нас барсан шинжтэй байсан байна. Энэ хэргийг үйлдсэн гэмт этгээдүүдийг эрэн сурвалжилж баривчлахад хот, дүүргийн цагдаа нараас  гадна Дархан-Уул, Сэлэнгэ аймгийн цагдаагийн албан хаагчид бараг тэр чигээрээ дайчлагджээ. Учир нь хэргийн эзэд эдгээр аймгийн чиглэлд зугтаасан байж болзошгүй байж. Ингээд хэргийн холбогдогчоор таван залууг  өчигдөр  Алтанбулагийн боомтоор хил давах санаатай явахад нь  баривчилжээ. Тэд амиа алдсан Хятад иргэн Ван овогт, Ли овогт нарын 210 гаруй сая төгрөгийг дээрэмдсэн байв. Дээрэм, хүний амь бүрэлгэсэн хэргийн эздийн хоёр нь төрсөн ах дүү “Ганаа” нар бөгөөд тэд хоёр, гурван найзын хамт энэ хэргийг үйлдсэн нь тодорхой болж байна. 

Б.Баяр

Эх сурвалж: Tumen.mn


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй