Монгол түмэндээ зориулав.


Шуурхай мэдээ

Экс гишүүн Г.Солтаны эхнэр ЖДҮС-гийн зээлээс 750 саяыг өөрийн тусгай нөхцөлтэй хадгаламжийн дансандаа хийжээ

Нийтэлсэн: Монгол Хүү | Нийгэм
2020 10 сар 21 ・ 331

УИХ-ын гишүүн асан Г.Солтаны төрсөн хүү Г.Ахмед захирлаар нь, эхнэр Б.Алтанчимэг менежерээр нь ажилладаг “Монгол шаазан” компани “Малын тэжээлийн үйлдвэр”-ийн төслөөр ЖДҮХС-гаас 950 сая төгрөгийн урт хугацааны хөнгөлөлттэй зээл авсан.  Экс гишүүн компанийхаа захирлаар 2012 он хүртэл ажиллаж байгаад албан тушаалаа хүүдээ өгчээ. ЖДҮХС-гийн зээлийг эхнэр хүү хоёр нь хамт очиж гарын үсэг зураад авсан аж. “Малын тэжээлийн үйлдвэр”-ийн төслийг хүү нь хийсэн гэнэ. Төсөл ёсоор Баян-Өлгийн Ногооннуур суманд үйлдвэр байгуулагдах ёстой байжээ. Экс гишүүний ээжийн талын хамаатан Х.Калимат нь дээрхи суманд тэжээлийн үйлдвэртэй агаад Б.Алтанчимэг сонирхож үнэ ханшийг нь асуух төдий яриа явагдсан аж. Энэ яриа дээр “үндэслэгдэж” “Малын тэжээлийн үйлдвэр”-ийн төсөл бичигдсэн. Экс гишүүний эхнэр дараа нь Х.Калиматтай уулзаж “танай компанийг худалдаж авахаар төсөл бичсэн, би байцаагдсан, чамаас асуух байх” гэсэн утгаар анхааруулсан гэнэ. Төсөл ийм байдалтай байхад төслийн санхүүжилт нохойн замаар орох нь мэдээж. ЖДҮС-гаас зээлийн санхжүүжилт орж ирсэний дараа Б.Алтанчимэг ХХБ-нд тусгай нөхцөлтэй хадгаламжийн данс нээжээ. Данс нээлгэсэн өдөр “Монгол шаазан” компаниас 750 сая төгрөг орж ирсэн байна. Мөн уг компанийн хугацаа хэтэрсэн 30 гаруй сая төгрөгийн зээлийн өр төлөгджээ. Түүнээс гадна Америкийн Сант-Луйс хотод сурах хүүгийнхээ байрны урьдчилгааг шилжүүлэх гэх мэтээр шууд л зориулалт бусаар зарцуулж эхэлсэн байна. Экс гишүүний эхнэрийн хадгаламжийн хүүний орлого нь 7,8 сая төгрөг болсон. Шүүх үүнийг хууль бусаар олсон орлого хэмээн үзэж Г.Солтанаас гаргуулахаар шийдвэрлэжээ.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй