Монгол түмэндээ зориулав.


Шуурхай мэдээ

ЭРДЭС БАЯЛГААР БАЯЖИГСДЫН ГЭМИЙГ ХАТУУ ГЭСГЭЭХ ҮҮ...ЭСВЭЛ

Нийтэлсэн: Монгол Хүү | Нийгэм
2020 10 сар 20 ・ 775

Эрээний хямд хослолтой унжгар залуу төрийн албанд ороод хэдхэн жилийн дотор жийп хөлөглөж, үнэтэй орон сууц авч, эхнэртээ тансаг зэрэглэлийн машин авч өгч, өмссөн зүүсэн нь эрс сайжраад хүнтэй тоож дуугарахаа больсон хүн бол Ашигт малтмал, газрын тосны хэрэг эрхлэх газрын Төрийн захиргааны удирдлагын хэлтсийн дарга Б.Дашпүрэв билээ.

 Учир юу гэвэл нэгэнт цагт Б.Дашпүрэв нь Ардчилсан намд морь мэт зүтгэж яваад “Ноён урваач, нохой шарваач...”-ын зүйрээр хайрт намаасаа нэр нүүрээ буруулж 2016 оны сонгуулиар нутаг нугын сайн ах Сангийн сайд Д.Хүрэлбаатарт зүтгэж одоогийн зөөлөн сэнтий болох Ашигт малтмал, газрын тосны хэрэг эрхлэх газрын Төрийн захиргааны удирдлагын хэлтсийн даргын албан тушаалд томилогдсоныг гудамжны нохой ч андахгүй мэддэг.

 Түүний үнэнч цэрэг, улаан фен, газрын тосны чимээгүй ноёнтон, түрийвч нэгт УИХ-ын гишүүн Шийрэвдамба агсан, Рилайнс ББСБ-ын эзэн Оюунцэцэг нарын хүү Санхүү, хөрөнгө оруулалт хариуцсан ахлах мэргэжилтэн Маргад.

Ш.Маргад өдгөө дарга Б.Дашпүрэвтэйгээ хамт дөрөө харшуулан газрын тосны  өртөг нөхөгдөх зардалд маш амжилттайгаар чимээгүйхэн, хэн ч мэдэх боломжгүйгээр албан тушаалын байдлаа урвуулан ашиглаж баяжсаар, улсын төсөвт орох мөнгө бүрээс хумсалсаар хулгайлсаар байгаа.

Үүний үр өгөөжөөр Б.Дашпүрэв нь Кинг товер хотхонд 800 сая төгрөгөөр орон сууц, Таван богдоос 400 гаруй сая төгрөгөөр Лексус-570 автомашин, эхнэртээ 180 сая төгрөгөөр саарал өнгийн Арэкс худалдан аван бэлэглэж түүний бэл бэнчин, мөрөөдөл биелсээр л байна. Түүний биелж байгаа мөрөөдлийг гурван үсэгтэй сүрхий нэртэй газар нь мэддэг ч юм уу, үгүй ч юм уу.

Харин үнэнч цэрэг Ш.Маргад газрын тосны салбараас хууль бусаар олсон мөнгөө Рилайнс ББСБ-д оруулж шударга, цэвэр мөнгө мэт болгосоор олон жилийг ардаа нь орхижээ.

Дарга, цэрэг хоёрын эрдэс баялгаар баяжсаар байгаа гэмт үйлдлийг хатуу гэсгээх үү... эсвэл цааш нь юм ярих уу, “хэрэггүй юү”.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй