Монгол түмэндээ зориулав.


Шуурхай мэдээ

Х.Бат-Ялалтад оноосон 25.600.000 торгуулийн ялыг хүчингүй болгож, дахин шүүхээр боллоо

Нийтэлсэн: Монгол Хүү | Нийгэм
2020 10 сар 08 ・ 662

  

 "Иргэдийн шударга шүүх" ТББ-ын тэргүүн Х.Бат-Ялалтад анхан шатны шүүхээс торгуулийн ял оноосон. Тодруулбал, түүнийг бусдын эд хөрөнгийг авахаар далайлган сүрдүүлсэн гэж үзэн хөдөлмөрийн хөлсний доод хэмжээг 80 дахин нэмэгдүүлсэнтэй тэнцэх хэмжээний төгрөгөөр торгох торгуулийн ял оноосон юм. 

Харин тэрбээр анхан шатны шүүхийн шийдвэрийг эсэргүүцэн давж заалдсан бөгөөд давж заалдах шатны шүүх хурал өнөөдөр боллоо. Хуралдаанаар анхан шатны шүүхийн шийтгэх тогтоолыг хүчингүй болгож, хэргийг шүүх хуралдаанаар дахин хэлэлцүүлэхээр тухайн шүүхэд буцааж шийдвэрлэсэн байна. 

Хэргийг сануулбал, Х.Бат-Ялалтыг УИХ-ын 2016 оны ээлжит сонгуулийн өмнө УИХ-ын гишүүнээр ажиллаж байсан Л.Эрдэнэчимэгийг дарамталж, 50 сая төгрөг авсан хэрэгт яллагдагчаар татаж, хэргийг шүүхэд шилжүүлээд байсан юм. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй