Монгол түмэндээ зориулав.


Шуурхай мэдээ

Засгийн газраас малчид, фермерүүдэд сүүний урамшуулал олгох журам баталлаа

Нийтэлсэн: Монгол Хүү | Нийгэм
2020 09 сар 30 ・ 432

Засгийн газрын өнөөдрийн хуралдаанаар “Сүү боловсруулах үйлдвэр, цехэд техникийн зохицуулалтын шаардлагад нийцсэн түүхий сүү нийлүүлсэн малчин, эрчимжсэн мал аж ахуй эрхлэгчдэд мөнгөн урамшуулал олгох түр журам”- ыг баталлаа.

Сүү боловсруулах үйлдвэр, цехэд техникийн зохицуулалтын шаардлагад нийцсэн түүхий сүү нийлүүлсэн малчин, эрчимжсэн мал аж ахуй эрхлэгчдэд мөнгөн урамшуулал олгох түр журмыг 5 зүйл, заалттай Хүнс, хөдөө аж ахуй, хөнгөн үйлдвэрийн яамнаас боловсруулжээ. Энэхүү журмыг баталж, хэрэгжүүлснээр:

  • Өвлийн улиралд сүүний нийлүүлэлтийг нэмэгдүүлэх бэлтгэн нийлүүлэлтийн оновчтой тогтолцоо бүрдэж,
  • Импортыг орлох үйлдвэрлэлийг нэмэгдүүлэх, гадагшаа гарч буй валютын урсгалыг дотооддоо авч үлдэх,
  • Сүү, сүүн бүтээгдэхүүний хэрэгцээг дотоодын үйлдвэрлэлээр тогтвортой, хүртээмжтэй хангах нөхцөл, боломж бүрдэх олон эерэг үр дүн дагуулна гэж үзэж байна.

Засгийн газрын 2020-2024 оны үйл ажиллагааны хөтөлбөрт “Сүүний чиглэлийн үхрийн эрчимжсэн аж ахуйн үйлдвэрлэлийг нэмэгдүүлж, дотоодын сүү үйлдвэрлэл, боловсруулалтыг өсгөж, сүүгээ борлуулж буй малчдад сүүний урамшуулал олгох тогтолцоог бий болгоно” хэмээн тусгажээ.

 

Эх сурвалж: ХХААХҮЯ


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй