Монгол түмэндээ зориулав.


Шуурхай мэдээ

Хүүхэд багачуудад олон удаа жүжиг үзэх боломж олгож байна

Нийтэлсэн: Монгол Хүү | Нийгэм
2017 12 сар 22 ・ 316

Шинэ жилийн баяр угтсан элдэв бэлгийн шуурга дэгдэж байна. Тэгэхээр эцэг эхчүүдийн хувьд амт чанар, хугацаанаас эхлээд олон зүйлд халтай байж болох янз бүрийн бэлгийн эрэлд хатах хэрэг алга. Хүүхэлдэйн театрын үе үеийн уран бүтээлчдээс бүрдсэн галла тоглолтыг энэ сарын 25, 30-ны өдрүүдэд МҮЭСТО-нд үзэхэд л маш том ухаалаг бэлэг гардах болно.

Учир нь тус театрын галла тоглолтын тасалбарыг худалдан авснаар та хүүхдийн оюун ухаан, мэдлэгийн санд томоохон хөрөнгө оруулалт хийх нь. Энэ тухайд дурдахад тасалбар худалдан авсан хүүхэд бүр “ЯНЗ” аппликейшныг гар утсандаа /App store/-с татан суулгаснаар Хүүхэлдэйн театрын жүжгийг хүссэн үедээ хүлээн авч үзэх боломжтой болж байна гэсэн үг. Тодотгож хэлбэл, та галла тоглолтын билетийг хүүхэддээ худалдан авч өгөөд ганц удаагийн тоглолт үзээд өнгөрөх бус тухайн билетээ хадгалаад хүссэн үедээ, тухалсан газартаа интернэтгүй орчинд тус тетарын шилдэг жүжгээс үзэж болох нь.

Дэлхийн дэвшилтэт AR технолиогоор баяжуулан гаргаж буй монголдоо анхдагч тасалбар юм. Та гар утсандаа "Чингисийн билиг сургаалт үлгэр" АПП-ыг үнэ төлбөргүй татаад тасалбарын ард байгаа тайзруу чиглүүлэхэд " Чоно ба долоон ишиг" жүжиг тоглогдоно. Та болон танай гэр бүлийнхэн интернетгүй орчинд хэдэн ч удаа үзэх боломжтой.

          Мөнхүү бэлэгт 4D ухаалаг карт, ухаалаг утас, таблетийн тусламжтайгаар play store-руу ороод argun түлхүүр үгээр АППЛИКЕЙШН үнэгүй татаад утасны дурангаа хөзрөн картандаа тааруулаарай ид шидийн мэт ертөнцөөр аялах болно. Үүнээс гадна Хүүхэлдэйн театрын уран бүтээлүүдийн дүрүүдээс бүтсэн буддаг ном болох "Долоон дэлбээт цэцэг", " Тэнэг бяцхан хулгана", "Болдоггүй бор өвгөн" зэрэг жүжгүүдийн баатруудтай танилцаж, тэднийгээ доорхи өгөгдсөн зургуудаас нь олж өнгө ялган будахаас эхлээд олон гайхамшигт зүйлийг хүүхэд багачууддаа санал болгожээ.

            Тэгэхээр үр хүүхдийнхээ мэдлэг оюун сэтгэхүйд маш том хөрөнгө оруулалт хийхийг хүсвэл та Хүүхэлдэйн театрын галла тоглолтыг үзүүлэхэд л энэ бүх зүйл дагалдаж ирэх юм байна. Энэ бол хүүхэд багачууд ганц удаа жүжиг үзээд дуусах бус хэзээ ч хэдэн ч удаа тасалбар дээрээсээ дээрх технологиор нэвтрэн үзэж болох аж. 

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх