Монгол түмэндээ зориулав.


Шуурхай мэдээ

Ц.Нямдорж: Монголын төр арилжааны банкны богцонд 3 сая иргэнтэйгээ орчихоод байгаа юм биш үү

Нийтэлсэн: Монгол Хүү | Улстөр
2017 11 сар 30 ・ 715

УИХ-ын чуулганы хуралдаанаар Банкны тухай хуулийн нэмэлт өөрчлөлтийг хэлэлцэж байна. Хэлэлцүүлгийн явцад хуулийн төслийг хаалттай хэлэлцэх горимын санал гаргасан боловч санал хураалтаар дэмжигдсэнгүй. Тиймээс хуулийн төслийг нээлттэй хэлэлцэж байна.

Хуулийн төслийн талаар ЗГХЭГ-ын дарга Г.Занданшатар "Энэ хуулийн төслийг Монголбанкны ажлын хэсэг, ОУВС-гийн мэргэжилтнүүдтэй хамт гаргасан. Үүнийг банкны мэргэжилтнүүд 6 сарын хугацаанд боловсруулсан. Олон улсын стандартад нийцүүлж гаргаж байгаа. Энэ хуулийн 47 хувьд нь өөрчлөлт орж байгаа тул шинэчилсэн найруулга биш нэмэлт өөрчлөлт юм. Банкуудыг сайжруулах, системээ ил тод болгох зорилготой хууль. Төв банкны тухай хуулиар арилжааны банканд тавих хяналтыг илүү сайжруулж байгаа. Энэ хоёр хууль хоорондоо уялдаатай орж ирсэн. Монголбанк УИХ, Засгийн газрын харьяаны байгууллага биш учраас хуулийг нь гишүүд өргөн барьж байгаа юм" гэв.

Мөн энэ үеэр УИХ-ын гишүүн Ц.Нямдорж, "Арилжааны банкны завхрал ч цадигаа алдсан. Монголын төр арилжааны банкны богцонд 3 сая иргэнтэйгээ орчихоод байгаа юм биш үү.

Охин компанитай холбоотой асуудлыг ер нь яах гэж байгаа юм бэ. Монголд чинь банкны эрх ашгаас гадна улсын эрх ашиг гэж юм байна. Банк хадгаламж, зээлийн үйл ажиллагааг л явуулах ёстой. Өөр эд нарт хийгээд байх юм байхгүй. Хоёр аргаар энэ банк чинь хамж байна. Барьцаанд ордыг нь авч, зээлээр боомилж байгаад ордыг нь бүхэлд нь авчихдаг. Банкны эзэд нэг талдаа банк нөгөө талдаа уул уурхайн үйл ажиллагаа явуулдаг болсон. Хамаг өнгөтэй өөдтэйг хамсан.

Банкныхан шүүхийнхэнтэй хуйвалдчихсан. Эрдэнэтийг авсан, Багануурыг авсан, Монголросцветметийг авсан. Энэ мафижсан арилжааны банкуудад тавьдаг хяналтаа сайжруул. Эд нар хууль хяналтынхнаар өөрсөддөө ашигтай шийдвэрийг гаргуулж чадаж байна. Зарим банк ЗГ-ын зүгээр л сорж амьдарч байна. Зээлээсээ давсан хүү Засгийн газраас хурааж амьдарч байна" хэмээн ярьлаа.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх