Монгол түмэндээ зориулав.


Шуурхай мэдээ

Малын шилжилт хөдөлгөөнийг хориглосон шийдвэрийг зөрчсөн иргэдэд хариуцлага тооцжээ

Нийтэлсэн: Монгол Хүү | Нийгэм
2017 09 сар 29 ・ 266

 

Сонгинохайрхан дүүргийн 32-р хорооны Баруунтурууны 6-86 тоотод оршин суугч Л.Энхтүвшин 09 сарын 27-ны шөнө 01 цагийн үед иргэн Н.Туяагийн 8 үхэр 4 тугал нийт 12 толгой үхрийг маршрутын бус замаар ачааны автомашинаар тээвэрлэн оруулж ирснийг иргэдийн мэдээллэснээр илрүүлсэн байна.

Энэ тухайд иргэн Л.Энхтүвшин “Өөрийн хамаатан Н.Туяаг хашаандаа өвөлжүүлэхээр малтай нь хөдөөнөөс авч ирсэн. Тээврийн товчоогоор биш 361-ын гармын орчимд байдаг нүхэн гарцаар гарч ирсэн. Гэхдээ малын шилжилт хөдөлгөөнийг хориглосон хугацаа дуусчихсан гэж бодсон” гэсэн юм.

Малын шилжилт хөдөлгөөнийг хориглосон үед зөрчил гаргасан иргэн Н.Туяагийн оруулж ирсэн 12 толгой малыг мэргэжлийн хяналтын байгууллага хуулийн дагуу холбогдох арга хэмжээг авч, “Буян хөхий” мал эмнэлэг малд угаалга, үзлэг хийж мэргэжлийн хяналтын хэлтсийн хяналтад 2017 оны 09 дүгээр сарын 28-ны 15 цагаас 22 цагийн хооронд 2 удаагийн рейсээр тээвэрлэж Төв аймгийн Аргалант сум руу гаргалаа.

 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх