Монгол түмэндээ зориулав.


Шуурхай мэдээ

"Ачаа тээвэрлэх" журмыг баримтлан хөдөлгөөнд оролцохыг зөвлөж байна

Нийтэлсэн: Монгол Хүү | Нийгэм
2017 08 сар 29 ・ 653

"Орон нутгийн зам-Хөдөлгөөний соёл" аяны хүрээнд Төв аймгийн Замын цагдаагийн тасгийн алба хаачид, Авто тээврийн үндэсний төвийн улсын хяналтын байцаагч, Зам тээврийн хөгжлийн төвийн мэргэжилтэн нарын хамт улсын чанартай автозамд хөдөлгөөнд оролцож буй тээврийн хэрэгслүүдэд хяналт шалгалтыг зохион байгуулж байна.

Шалтгалтаар жолооч нар Ачаа тээвэрлэх журам зөрчих, бүрэн бус тээврийн хэрэгсэлтэй замын хөдөлгөөнд оролцох, хурд хэтрүүлэх зэрэг зөрчлийг ихээр гаргаж байгаа талаар онцгойлон сэрэмжлүүлэв.

Монгол улсын Замын хөдөлгөөний дүрмийн 22.5-д "Хүнд ачаа тээвэрлэх, мөн тээврийн хэрэгслийн ачаатай буюу ачаагүй өндөр нь 4 метр, өргөн нь 2.5 метр, урт нь 20 метр, ачаа нь тээврийн хэрэгслийн овроос арагшаа 2 метрээс илүү түүнчлэн хоёр буюу түүнээс олон чиргүүлтэй бол хөдөлгөөнд оролцохдоо Замын цагдаагийн албанаас зөвшөөрөл авна" гэж заасан байна.

Мөн 22.1-д "Ачааны жин болон тэнхлэгт ногдох ачааллын хэмжээ нь тухайн тээврийн хэрэгслийн техникийн тодорхойлолтоор тогтоосон хэмжээнээс хэтрэхгүй байвал зохино"
МОНГОЛ УЛСЫН СТАНДАРТ MNS4598:2011
5.8.1 Нэг хөтлөгч тэнхлэг дээрх хамгийн их ачаалал 11.5 тн хөтлөгдөх тэнхлэг дээрх хамгийн их ачаалал 10 тн-оос тус тус ихгүй байна.

Мөн 22.2-д АЧАА ТЭЭВЭРЛЭХДЭЭ "Унаж чирэгдэхгүй,хөдөлгөөнд оролцогчдод саад, аюул учруулахгүй байх, Жолоочийн харах боломжийг хязгаарлахгүй байх, Тээврийн хэрэгслийн гадна талын гэрэлтүүлэх хэрэгсэл, гэрэл ойлгуур, эргэх чиг заадаг гэрэл буюу гараар өгөх дохио, улсын дугаар, таних тэмдгийг халхлахгүй байх шаардлагыг ханган байрлуулж бэхэлсэн байна" гэж заасан байна.

Иймд жолооч нарыг Замын хөдөлгөөний дүрмээ сахин биелүүлж хөдөлгөөндөө соёлтой оролцохыг ЗЦГ-аас уриаллаа.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх