Монгол түмэндээ зориулав.


Шуурхай мэдээ

Хайрыг хүндлэх хэрэгтэй ш дээ

Нийтэлсэн: Монгол Хүү | Улстөр
2020 06 сар 03 ・ 223

“Чинбүрэн эмч ээ, хайрыг минь хүндлээч дээ...” гэсэн цахим сэтгэгдэл хүртэл хийсч явсан нь энэ эмчид үнэхээр хайр зарласандаа бус ард түмний, төрийн хүндлэл хүлээж “Гавьяат эмч” гэсэн эрхэм алдар цолыг хүртмэгцээ нүүр буруулан зангаа хувиргасанд нь халагласандаа тийнхүү бичиглэж байв.

Монгол дахь элэгний оношилгоо, эмчилгээ, хагалгааны хамгийн эрэлттэй эмч түүнийг Хавдар судлалын үндэсний төвийн даргаар очиход нь зарим хүн “Эмчээ хийж байхгүй” гэж харамсан өгүүлж ч байсан. Энэ мэтээр ард түмнийхээ сэтгэлийг үл хайхран албан тушаалд дэвшсээр яваа энэ эрхэм хүсэхэд хясна гэгчээр бүр “НИСЧИХЛЭЭ”.

Гэхдээ энэ үгээрээ хүн ардынхаа төлөө чин сэтгэлээсээ ажиллаж байгаа эмч нарыг муу гэж хэлээгүй гэдгээ энэ дашрамд дайх нь зүйтэй байх.

Сайн эмчийн зангарагаа сайн улстөрчөөр үргэлжлүүлж чадна гэж харагдахгүй л байна. Ингэж хэлэхийн учир нь таны өмнө аврал эрж, амьдрал гуйсан нэгэн горьдлого тээсэн харцаар царайлчилж байдаг байсан бол улстөрийн ертөнцөд таныг  "ГӨЛӨГ" ч гэх хүн олдохгүй л болов уу. 

Америкт пиццаны жижигхэн газарт аяга таваг угаагчаар ажиллаж, савнаасаа бусдыг дийлдэг сархдад нэг хэсэг толгойгоо мэдүүлэх дөхөж байсан гээд эр хүний туг ч барьдаг, тугал ч хариулдаг тэр үеүдийг тойрч бус дайрч явсан тэрбээр өнөөдөр Монголын ард түмэнд тун ч “МУУХАЙ ЗАН” гаргав.

Улс төрд орох шийдвэр гаргаж “Хүний гавьяат эмч” гэсэн цол хэргэмээ авангуутаа л нүүр буруулсан Ж.Чинбүрэн эмч “Эмчийн мэргэжил бол хүний амь нас, эрүүл мэнд, амьдралаар хэмжигддэг мэргэжил” гэж нэгэн цагт хэлж байсан удаатай...

Тэгвэл түүний улс төрд орох энэ шийдвэр магадгүй эдгэрлээ олж байсан олон хүний өвчнийг сэдрээсэн ч байж мэднэ. Ингэж хэлэхийн учир нь хавдрын өвчлөл их байгаа энэ мөчид “Халуун зунаар саалиа хаяад...” гэдэгчлэн 20 гаран жил ажиллаж хурууны өндөг эс бүрдээ мэргэжлээ шингээсэн хэрнэ ӨНДӨР СЭНТИЙ рүү санаархахын учир юу юм бол.

 
Ард түмэн нь мэргэжил нэгт нөхөд нь түүнд ийнхүү хүндэтгэл үзүүлж байв.

“Хавдрын” гэх тодотголтой энэ эмчийн ийнхүү шийдэлд хүрсэн нь өөрийнх нь шийдэл байгаагүй гэж ярих нь ч бий. Гэхдээ ТӨРИЙН СЭНТИЙД ЗАЛРАХ энэ шийдвэр нь ганцхан суудал авахын тулд хавдартай иргэдийг зольж байгаатай агаар нэг үйлдэл гэж харагдаад байгаа юм. Уг нь эмч хүн эмчээрээ үлдсэн бол ард олонд нь илүү их хэрэгтэй байлаа. Цагаан халаадаа өмсөөд эмнэлэгтээ байж байхыг ард иргэд хүсч байгаа ч тэр УИХ-ын сэнтийд тухлахаар том харж, том зан гаргачихлаа.

Сайн эмчийн зангарагаа сайн улстөрчөөр үргэлжлүүлж чадна гэж харагдахгүй л байна. Ингэж хэлэхийн учир нь таны өмнө аврал эрж, амьдрал гуйсан нэгэн горьдлого тээсэн харцаар царайлчилж байдаг байсан бол улстөрийн ертөнцөд таныг  "ГӨЛӨГ" ч гэх хүн олдохгүй л болов уу. Учир нь тэд таны өвчтөнүүд биш. Харин тэд ханаж цадахаа байсан дээрэмчин, тонуулчин, хулгайч, луйварчид. Өөрөөсөө бусдыг үл хүндэтгэдэг "ЗАНДАЛЧИД" шүү дээ.

 

Эх сурвалж: Erennews.mn


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй