Монгол түмэндээ зориулав.


Шуурхай мэдээ

Италид хөл хориог сунгажээ

Нийтэлсэн: Монгол Хүү | Нийгэм
2020 03 сар 31 ・ 781

РОМ. /BBC/. Италид коронавирусний халдварын тархалтыг хязгаарлах үүднээс тогтоосон хөл хорионы арга хэмжээг Улаан өндөгний баяр хүртэл сунгах шийдвэрийг гаргасан боловч тус улсад халдварын тохиолдлын тоо буурах хандлага ажиглагдаж эхэлжээ.

 

Италид даваа гарагт халдварын 1648 шинэ тохиолдол бүртгэгдсэн нь өмнөх өдрийнхөөс 2167-гоор буурчээ. Харин нас барсан хүмүүсийн тоо дахин өсөж, 812 хүн нас барсан нь ням гаргийнхаас 56-аар өссөн байна.  

 

Халдварын улмаас нас барсан хүмүүсийн тоогоор нэгдүгээрт бичигдэж байгаа Италид халдварын оргил үе ойрын долоо хоногийн дотор эхэлж магадгүй хэмээн таамаглаж байгаа юм. Засгийн газрын сүүлийн мэдээллээр тус улсад 11591 хүн нас баржээ.

 

Мөн даваа гарагт Үндэсний эмч нарын холбоо дахин 11 эмч нас барсан талаар мэдээлсэн бөгөөд ингэснээр тус улсад нийт 61 эмч нас барсан байна. Италид тогтооосон хөл хорионы хугацаа энэ долоо хоногийн баасан гарагт дуусах байсан боловч ирэх дөрөвдүгээр сарын 12-нд болон Улаан өндөгний баяр хүртэл сунгажээ.

 

Италичууд сүүлийн гурван долоо хоногийн турш хөл хорионы хатуу дэглэмийг мөрдөж байгаа бөгөөд тэднийг шаардлагагүй тохиолдолд гэрээсээ гарахыг хоригложээ. Мөн тус улсын ихэнх дэлгүүр, цэнгээний газар, зоогийн газрын үйл ажиллагааг зогсоогоод байгаа юм.

 

“Хязгаарлалтын арга хэмжээнүүдийг ирэх тавдугаар сар хүртэл мөрдөх хэрэгтэй” гэж Италийн өмнөд нутгийн Пуглиа мужийн захирагч өнгөрсөн бямба гарагт мэдэгджээ.

 

Европт нөхцөл байдал ямар байна вэ?

  • Испанид халдвар авсан хүний тоо 85195-д хүрснээр халдвар анх дэгдсэн Хятадад бүртгэгдсэн тохиолдлын тоог давжээ. Испанид 7350 хүн нас барсан бөгөөд тус улс нь нас барсан хүмүүсийн тоогоор Италийн араас бичигдэж байгаа юм. Харин Испанийн Гадаадын хэргийн сайд Аранча Гонзалезийн мэдэгдсэнээр, сүүлийн үеийн мэдээллүүдээс харахад халдварын өсөж байсан үзүүлэлт тогтворжиж байгаа хандлага ажиглагджээ.
  • Германд аминд халтай халдварын тархалтыг Испани, Италийнхтай ижил хүрээг хамрахаас зайлсхийж байгаа боловч даваа гарагт халдварын тохиолдлуудын тоо 4751-ээр нэмэгдсэнээр нийт халдвар авсан хүний тоо 57 мянгад хүрсэн байна.
  • ОХУ-ын Засгийн газар халдварын тархалтыг хязгаарлах үүднээс 12 сая оршин суугчтай Москва хотод хөл хорио тогтоожээ.
  • Австрид дэлгүүрээр үйлчлүүлэгчид амны хаалт зүүх шаардлагатай гэж тус улсын эрх баригчид даваа гарагт мэдэгдсэн байна. 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх