Монгол түмэндээ зориулав.


Шуурхай мэдээ

Хотын дарга С.Амарсайхан нийслэлийнхний ажлыг нууцаар шалгажээ

Нийтэлсэн: Монгол Хүү | Нийгэм
2020 02 сар 17 ・ 123

 

Нийслэлийн удирдах ажилтны ээлжит шуурхай хуралдаан  яг одоо /2020.02.17/ Хангарьд ордонд болж байна. Энэ үеэр хотын дарга С.Амарсайхан “Коронавирусийн халдвараас сэргийлэх зорилгоор өндөржүүлсэн бэлэн байдлыг хангаж, хяналт  тавьж байгаа байдал, замын цэвэрлэгээний үр дүн хангалтгүй байгааг онцоллоо. Тэрээр “Коронавирус бол ханиад биш. Энэ бол тахал гэдгийг хэлээд байгаа.

Хотын хувь заяа хаашаа эргэхийг энд сууж байгаа хүмүүс шийдэж байгаа. Та бүхний ард өөрсдийн  тань гэр бүлээс эхлээд иргэд, оршин суугчид итгэж суугаа. Хариуцлагаас гадна сэтгэл гаргаж ажиллах хэрэгтэй байна. Албан маягаар өгч байгаа даалгаврын нэг хэсэг нь үзэгдэл гэж хүлээж аваад нөгөө хэсэг нь ажил гэж хүлээж аваад хэрэгжүүлэх гэж зүтгэдэг байж таарахгүй. Төрийн албан хаагчид худал мэдээлэл тараахгүй, худал мэдээлэлд автахгүй байх шаардлагатай байна. 

Өчигдөр орой би   Налайхын постын хяналтыг хөндлөнгөөс ажиглалаа. Хэн ч  намайг зогсоож шаардлага, хяналт тавьсангүй. Халуун хэмжсэнгүй. Хяналтын цэг дээр ажиллаж байгаа хүмүүс нь футиктээ ороод суучихсан байна.  Тухайн өдрийнхөө 21.55 минутад Хонхорын хяналтын цэгээр явахад мөн л  зогсоогоогүй, хяналт хийгээгүй. Ингэж нүд хуурч, халтуурдаж ажиллавал дүрэм журам гаргаад, ажил хийж байна гэж хотыг эрсдэлд оруулаад яах вэ. Зориуд би ганцаараа  машинаа барьж эргүүл хийсэн” юм гэлээ.  Тиймээс цаашид  халуун хэмжигч багажаа тогтмол ажиллуулах, нэг удаагийн хамгаалах хэрэгслээр бүрэн хангах зэрэг асуудалд анхаарч үр дүнтэй ажиллахыг анхаарууллаа. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх