Монгол түмэндээ зориулав.


Шуурхай мэдээ

У.Хүрэлсүхийн даалгавраар хотын удирдлагууд авто зам ашигласны татварыг тав дахин нэмэгдүүллээ

Нийтэлсэн: Монгол Хүү | Улстөр
2019 12 сар 03 ・ 261

Нийслэлийн ИТХ-ын ээлжит XXIX хуралдаанаар “Авто зам ашигласны төлбөрийн хувь хэмжээг шинэчлэн тогтоох тухай” төслийг дэмжиж баталлаа. Өөрөөр хэлбэл нийслэлээс авто зам ашигласны татварыг тав дахин нэмэгдүүллээ.

Ингэснээр 2020 оны нэгдүгээр сарын 1-нээс эхлэн иргэдээс авто зам ашигласны нэмэгдэл төлбөрийг авч эхэлнэ. Гэхдээ тухайн автомашины хөдөлгүүрийнх нь багтаамжаас хамаараад төлбөрийн хэмжээ өөр өөр байх аж.

Жишээ нь  1,000-2,000 см3 хүртэл хөдөлгүүрийн багтаамжтай машины авто зам ашигласны төлбөр 100,000 төгрөг болж байгаа. Түүнчлэн 4,500-аас дээш хөдөлгүүрийн багтаамжтай машины авто зам ашигласны төлбөр 350,000 төгрөг болж шинэчлэгдлээ. Энэ бүхний үр дүнд нийслэл замаа засах мөнгөтэй болох аж.

Тэгвэл нийслэлээс гэнэт, яаравчлан авто замын татвар нэмэх болсон нь Ерөнхий сайд У.Хүрэлсүхийн өгсөн үүрэг даалгавар байжээ. Тодруулбал, Ерөнхий сайд У.Хүрэлсүхийн зүгээс хотын дарга С.Амарсайхан нарт хандан “Аз жаргалтай хот”-ын иргэдийн авто зам ашигласан төлбөрийг нэм. Төсөвт мөнгө төвлөрүүл хэмээн зандарснаас үүдэлтэй гэнэ.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх