Монгол түмэндээ зориулав.


Шуурхай мэдээ

Гадны гар хөл бологчдоос ТЕГ-ын дарга Д.Гэрэлийг хамгаалъя

Нийтэлсэн: Монгол Хүү | Нийгэм
2019 12 сар 02 ・ 462

Өнгөрсөн сарын 03-ны өдөр мөнгө угаах, цахим залилан гэмт хэрэг үйлдсэн байж болзошгүй 800 орчим хятад иргэнийг  

Монгол Улсын нутаг дэвсгэрээс албадан гаргах ажиллагааг ТЕГ, ЦЕГ-тай хамтран зохион байгуулсан. Эдгээр хятад иргэдийг гаргаснаас үүдэж ТЕГ-ын дарга руу зохион байгуулалтайгаар дайрч түүнийг харлуулж эцэст нь хамгийн үнэт зүйл болсон гэр бүл үр хүүхдийг нь олон нийтэд муухай харагдуулж, гүтгэж буй нь харамсалтай.

Хатуухан хэлэхэд ТЕГ-ын дарга руугаа дайрна гэдэг нь Монгол Улсын Үндэсний аюулгүй байдал руу дайрч байгаа гадныхны гар хөл болсон хүмүүсийн хийж буй үйлдэл яалт ч үгүй мөн. Учир нь Д.Гэрэл нь тагнуулын дарга болсноосоо хойш маш олон тагнуулын хэргийг илрүүлэн шүүхээр шийдвэрлэж байгаагийн зэрэгцээ 800 хятадуудын үйлдлийг зогсоож эх орноосоо хөөж гаргаснаараа хэн нэгэн эрх мэдэлтэй, хөрөнгө мөнгөтэй хүний хорхойтой араанд зуугдаж зохион байгуулалттайгаар гүтгэгдэж буй нь харамсалтай. Түүнийг тагнуулын байгууллагад ажилласан жилээрээ дотоодоо төдийгүй гадаадад ч ажиллаж байсан туршлагатай нэгэн гэдэг. Энэхүү дадлага, туршлагад төрийн гурван өндөрлөг итгэл хүлээлгэж ТЕГ-ын даргаар томилсондоо ихэд сэтгэл хангалуун байдаг тухай учир мэдэх хүмүүс ярьж байв.

Монгол Улсын аюулгүй байдал, зон олныхоо бүрэн бүтэн байдалд санаа тавьж буй хүнийг зориудаар харлуулах болсон нь 800 хятадуудыг оруулж ирсэн нөхдүүд зохион байгуулалттайгаар хийж буй ажил хэмээн үзэхээс өөр арга байхгүй. Энэ хүн өнөөдөр Монгол Улсын тусгаар тогтнол бүрэн бүтэн байдлыг хамгаалахдаа хамгийн үнэт зүйлийнхээ нэг болсон гэр бүл, үр хүүхдээ золиослоно чинээ санаагүй байх. Ингэж хэлэхийн учир нь түүний хүү Г.Аранзалыг уул уурхайг ухаж, сэндийчнээс үүдэж хүн, мал харангадаж буй тухай мэдээлэл цацагдсан. Хэрвээ тус мэдээлэл нь үнэн бол яагаад заавал АТГ-т  өгөлгүй өдийг хүрчихээд  800 хятад иргэнийг албадан гаргасны дараа нэр төрд нь халдаж харлуулах болов. Яагаад энэ талаарх мэдээллийг өмнө нь гаргаагүй юм бол.

Баттай эх сурвалжийн хэлж буйгаар хэвлэлээр цацагдсан Д.Гэрэлийн хүүгийн Сэлэнгэ аймгийн Баянгол сумын Нарангийн голд ямар ч уул уурхайн ажил явуулдаггүй юм байна. Мэдээж түүний уул уурхайтай үгүйг мөн хууль ёсны лицензтэй эсэхийг сэтгүүлч би бээр энд зөв, буруу гэж дүгнэх нь илүүц.

Энэ бүхнийг хэлж буйн учир нь Монгол Улсад хууль бусаар орогосон 800 хятад иргэнийг албадан гаргасных нь төлөө ТЕГ-ын даргаа  харлуулаад зогсохгүй гэр бүл үр хүүхэд рүү нь нулимж байгаа нь шударга үнэнд нийцэхгүй, хамгийн ёс зүйгүй, увайгүй үйлдэл гэдгийг хэлэх гэсэн хэрэг.

Ямартай ч аливаа зүйлд хэм хэмжээ гэж бий. Тиймээс УИХ-ын гишүүний дархан эрхээр бамбай хийсэн Ж.Батзандан яагаад гэнэт 800 хятадтай холбоотой асуудлаар төрийн ордонд мэдээлэл хийв. Хийхдээ яагаад ТЕГ-ыг илт буруушаав гэдгийг холбогдох хууль хяналтынхан тогтоож үүний цаана хэн нэгний ашиг сонирхол нуугдаж Д.Гэрэлийг зохион байгуулалтайгаар гүтгэсэн үү гэдгийг тогтоох биз ээ. Эцэст хэлэхэд улс эх орон, зон олныхоо төлөө хийсэн үйлдэлдээ  буртуугагдах болчихоод байгаа Д.Гэрэл даргыг гадны гар хөл болсон этгээдүүдээс бултаараа хамгаалъя, монголчуудаа.

Р.Саруул

Эх сурвалж: erennews.mn


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх