Монгол түмэндээ зориулав.


Шуурхай мэдээ

Өмнөд Солонгос шинэ сөнөөгч онгоцнуудаа үзүүлж, сүр хүчээ гайхуулав

Нийтэлсэн: Монгол Хүү | Технологи
2019 10 сар 02 ・ 671

Өнөөдөр Өмнөд Солонгосын арми саяхан АНУ-аас худалдаж авсан F-35 сөнөөгч онгоцнуудаа анх удаа олон нийтэд үзүүлжээ.

 
 

Тус улс түүхэндээ зэвсэг худалдаж авахад хамгийн их мөнгө зарцуулсан нь 2021 он хүртэл АНУ-ын Lockheed Martin компаниас нийт 40 ширхэг F-35 худалдаж авахаар болсон явдал юм.

Энэ онд захиалсан онгоцнуудынхаа эхний ээлжийг хүлээж аваад байгаа.

Өнөөдрийн үйл ажиллагаа Умард Солонгосын дэглэмийн хүчтэй эсэргүүцэл, шүүмжлэлтэй тулгарч магадгүй байна.

Өмнөд Солонгос шинэ зэвсэг худалдаж авах, АНУ-тай хамтарсан цэргийн сургуулилалт хийх бүрт Пёньянаас ямар нэг эсэргүүцэл үзүүлдэг.

Энэ онд нийлүүлэгдэх ёстой найман F-35 сөнөөгч онгоцны эхний дөрвийг өнөөдөр Дэгу хот дахь агаарын баазад үзүүлж, Өмнөд Солонгосын ерөнхийлөгч Мүүн Жэ Ин өөрийн биеэр үзэж сонирхжээ.

Тэрээр Умард Солонгос болон Япон улсын нэрийг хэлсэн үгэндээ дурдаагүй ч өнөөдрийн олон улсын нөхцөл байдал урьдчилан тааварлах аргагүй болж буй тул хүч чадал, инновацийн чадавхиа нэмэгдүүлэхийг шаардаж байгааг онцолсон юм.

Өнөөдрийн үйл ажиллагааны үеэр тус улсын армийн F-15K сөнөөгч онгоцнууд Японтой маргаантай байдаг Докдо арал дээгүүр эргүүлийн нислэг үйлдсэн нь Токиогийн эрх баригчдыг бухимдуулж болзошгүй үйлдэл юм.

Мэргэжилтнүүдийн дүгнэж байгаагаар Өмнөд Солонгосын шинэ F-35 сөнөөгч онгоцнууд Умард Солонгосын хамгаалалтын системийг нэвтлэх бүрэн чадвартай ажээ.

Сөүл, Вашингтоны талууд өнөөдөр Өмнөд Солонгост байрладаг АНУ-ын 28,000 цэрэг бүхий баазын урсгал зардлыг хэрхэн хуваалцах нөхцлийг хэлэлцэж байгаа юм.

 

Эх сурвалж: Associated Press


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх