Монгол түмэндээ зориулав.


Шуурхай мэдээ

"Их хар сүлд" хамгаалалтын албаны ажилтан бусдад буу тулгаж танхайрчээ

Нийтэлсэн: Монгол Хүү | Нийгэм
2019 09 сар 11 ・ 159

Өчигдөр 17.00 цагийн үед Хан-Уул дүүргийн гуравдугаар хорооны нутаг дэвсгэрт их хар сүлд гэх машинтай хүмүүс хүн рүү буу тулгаад байна гэх дуудлага цагдаагийн байгууллагад иржээ. 

Дуудлага мэдээллийн дагуу цагдаагийн алба хаагчид очиход, Их хар сүлд хамгаалалтын албанд ажилладаг 25 настай эрэгтэй Э, машинаа холдуулсангүй гэх шалтгаанаар тус хороонд оршин суух хаягтай 38 настай эрэгтэй Ө-тэй маргалдан, хийн буу тулган сүрдүүлж, олон нийтийн амгалан тайван байдлыг алдагдуулсан нөхцөл байдалтай байсныг аюулгүй болгожээ.

Тус хэргийг Хан-Уул дүүргийн цагдаагийн нэгдүгээр хэлтэс шалгаж байгаа бөгөөд эд мөрийн баримтаар нэг буу, хоёр сумыг хураан авсан байна. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх