Монгол түмэндээ зориулав.


Шуурхай мэдээ

Аварга Н.Батсуурь: МИАТ-ээс болон Д.Мөнхбаатар даргын худ над руу ярьж постоо устгаад өгөөч, дараа үнэгүй үйлчлүүлээрэй гэсэн

Нийтэлсэн: Монгол Хүү | Нийгэм
2019 09 сар 06 ・ 409

Улсын аварга Н.Батсуурь нүүр номондоо 'Чингис хаан" нисэх онгоцны буудалд буугаад хариуцлагагүй ажилчдын буруугаас ачаа тээшээ алдсан тухайгаа нийтэлж, тус нисэх буудлынхныг багагүй шүүмжилсэн. 

Харин энэ талаар 'Чингис хаан" нисэх онгоцны буудлынхнаас тодруулахад, "Улсын аварга Н.Батсуурь өөрийнхөө буруугаас болж ачаагаа алдсан. Бас би Улсын аварга хүн учраас мөнгө төлөхгүй гэж манай ажилчдыг хэл амаар доромжилсон, биед нь халдсан" гэх тайлбарыг өгсөн.

Тэгвэл, дөнгөж сая Улсын аварга Н.Батсуурь лайв хийж, дээрх асуудалд тайлбар мэдээлэл өглөө.

Тэрбээр, "Нисэх буудал дээр болсон асуудлын талаар өчигдөр телевизүүдээр маш их нэвтрүүлэг явсан байна. Үүний хариу тайлбарыг хэлэх гэж лайв хийж байна. Өчигдөр МИАТ-ээс болон Мөнхбаатар даргын худ над руу ярьж постоо устгаад өгөөч, дараа үнэгүй үйлчлүүлээрэй гэсэн. Би "Үгүй ээ. Уучлаарай гээд хэлчих сэтгэлгүй үйлчилгээний албаны дарга байж болохгүй" гэж хэлсэн. 

Гэтэл өнөөдөр асуудал ийм хэмжээнд хүрсэн байна. Намайг постоо устгаагүй гэж ингэж байгаа байх. Намайг үйлчилгээний ажилтны биед халдсан гэсэн байна лээ. Би хэний ч биед халдаагүй энгэрийн тэмдэг дээрх нэрээ үзүүлчих л гэсэн. Бас би мөнгөө төлсөн. Монгол Улсын аварга гэдгээрээ эрдсэн юм биш. Монгол Улсын иргэнийхээ хувьд болж бүтэхгүй асуудалд шүүмжлэлтэй хандсан төдий. Түүнээс биш надад аархсан зүйл байхгүй. Үнэхээр тийм нотлох баримттай бичлэг байгаа бол тэр бичлэгээ тавь. Надад мөнгө төлсөн баримт, ачааны билк нь байна. Иймэрхүү гүтгэлэг хийхээ боль" гэв.

Т.ГЭРЭЛ

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх

  • Зочин / 14 цагийн өмнө/

    тухайн үедээ худлаа саагиж саагичихаад одоо нээх даруухан царайлахаа больж үз махан толгой минь. чамайг угаасаа ямархуу ааш авиртай, ёс жудагтай хүн гэдгийг хүмүүс мэднэ

    Хариулах