Монгол түмэндээ зориулав.


Шуурхай мэдээ

“АВТОМАШИНААС ТАТГАЛЗАЖ – АЖИЛДАА ДУГУЙГААР ЯВЪЯ”

Нийтэлсэн: Монгол Хүү | Нийгэм
2019 09 сар 05 ・ 502

“АВТОМАШИНААС ТАТГАЛЗАЖ – АЖИЛДАА ДУГУЙГААР ЯВЪЯ” 

Автотээврийн үндэсний төв ТӨҮГ-аас ажилтнуудын эрүүл мэндийг бэхжүүлэх, хөдөлгөөний дутагдлаас урьдчилан сэргийлэх, авто замын түгжрэлийг бууруулахад тодорхой хувь нэмэр оруулах зорилгоор “АВТОМАШИНААС ТАТГАЛЗАЖ – АЖИЛДАА ДУГУЙГААР ЯВЪЯ” уриалгыг гаргаж ажилтан, албан хаагчид нэгдлээ. 
Тус үйлдвэрийн газраас намрын налгар өдрүүдэд дээрх уриалгад нэгдэж автозамын түгжрэлийг сааруулахад бага ч гэсэн хувь нэмэр оруулахыг нийт иргэддээ уриалж байна. Цаашид энэхүү арга хэмжээг тус үйлвэрийн газраас шат дараатайгаар зохион байгуулж, автозамын түгжрэл болон байгаль орчинд үзүүлэх сөрөг нөлөөг багасгахад тодорхой хувь нэмэр оруулахаар боллоо.
    Дугуйчдад өгөх зөвлөмж 
• Аюулгүй байдалд онцгой анхаарах
• Тусгай зориулалтын малгай өмсөх
• Дугуйчид болж өгвөл тод өнгийн хувцас өмсөх
• Дугуй унахын өмнө өөх тос багатай хоол идэх
• Цэвэр ус ууж, алдсан шингэнээ нөхөх
• Автомашины замаар явах бол замын хөдөлгөөний дүрмийг заавал баримтлах
• Замын захаас нэг метрийн дотор явж, хэрэв эргэх бол гараараа дохио өгөх


Нийтэд өгөх зөвлөмж
• Дугуйгаар зорчигчдод зам тавьж өгөх, замын хөдөлгөөнд давуу эрхтэй зорчуулах
• Унадаг дугуйн замаар явган зорчигчид явахгүй байх
• Явган зорчигчид чихэвчээ хэт чангалалгүй орчин тойрноо мэдэрч, анхаарал болгоомжтой зорчих
• Жолооч нар замын захаас нэг метрээс багагүй зай барьж явах
• Явган зорчигчид баруун гар талаа барьж явах
• Зам хааж олуулаа хөндөлсөж явахгүй байх

           ДУГУЙ УНАХЫН АЧ ТУС:
• Стресс, ядаргаа тайлагдана;
• Зүрх, уушигны ажиллагаа сайжирна;
• Чихрийн шижин, цусны даралт нэмэгдэхээс урьдчилан сэргийлнэ;
• Илүүдэл жин байхгүй болно;
• Хөл, гар сайжирна;
• Орчин тойрноо өөр нүдээр харна;
• Явган явахаас илүү хурдан;
• Түгжрэлтэй үед автомашинаас ч илүү хурдан;
• Мөнгөнд хэмнэлттэй (өөрөөр хэлбэл машины түлш, таксинд мөнгө зарахгүй);
• Зогсоол хайх шаардлагагүй;
• Чимээ шуугиан гаргадаггүй.
• Байгаль орчинд ээлтэй
СОНИРХУУЛАХАД
Их Британид 37 мянга, Германд 28 мянга орчим, Унгарт 10 мянга гаруй дугуйтай шуудан зөөгч ажилладаг. Мөн автомашины түгжрэл их байдаг хотуудад зөрчил гарсан газар шуурхай очих, эмнэлгийн яаралтай тусламж үзүүлэх зорилгоор цагдаа, түргэн тусламжийн эмч нар унадаг дугуйг өргөн ашиглах болжээ.
Үйлдвэрлэхэд өртөг бага, шатахуун огт шаардлагагүй, дуу чимээ гаргадаггүй тээврийн хэрэгсэл тул дугуйг Дэлхийн I, II дайны үед байлдаж байгаа талууд өргөн хэрэглэж байжээ. Бүр дугуйт цэргийн тусгай ангиуд хүртэл байгуулж байсан байдаг.

 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх

  • Зочин / 2019 09 сар 07/

    Дугуй мотоцикл унахад зуны 4-5 сар л байдаг, гэтэл дулаан орнуудыг дуурайж явган замаа эвдэж, дугуйны зам тавьж сүйд болох юмдаа, тэрнийхээ оронд явган хүний замаа л сайжруул.

    1
    Хариулах