Монгол түмэндээ зориулав.


Шуурхай мэдээ

С.Одонтуяа АТГ-Т Шаардлага Хүргүүлж Цэцэрлэгт Хүрээлэнгийн Газрыг Нэхэмжиллээ

Нийтэлсэн: Монгол Хүү | Нийгэм
2019 08 сар 16 ・ 350

Азийн цагаан дагина болох мөрөөдөлтэй бидний нийслэл хотод минь хүүхэд салхилуулах цэцэрлэгт хүрээлэн даанч цөөхөн байдаг нь гачлантай. Нийслэл хотдоо оршин суугч бид бүхний гэрийн ойролцоо мод. бут тарьсан жаахан ч гэсэн талбайтай бол хүүхдээ салхилуулах, орой үдэш агаарлах гээд хүний наад захын хэрэгцээгээ хангаж болмоор.

Гэвч Улаанбаатар хотод иргэдийнхээ хүсэл шаардлагад нийцсэн цэцэрлэгт хүрээлэн шинээр барьж байгуулах боломж хязгаарлагдмал байсаар байна. Учир нь жаахан мод буттай талбай харагдвал барилга байшин барихаар эрх мэдэлтнүүд нь булааж авдаг зуршил нэгэнт тогтжээ. 
АТГ хэмээх сүржин нэртэй даржин байгууллага 2012 онд вокзалын ард талын цэцэрлэгт хүрээлэнгийн хэсэг газрыг ажилчдынхаа орон сууц бариулахаар зөвшөөрөл гаргуулаад удаж байна. Иймд БГД-ийн Засаг дарга С.Одонтуяа эх хүний сэтгэлээр дүүргийнхээ хэдэн хөгшид эмэгтэйчүүд, хүүхдийг салхилуулах жаахан ч гэсэн газар авч үлдэхийн тулд Авилгалтай тэмцэх газарт шаардлага хүргүүлээд байгаа юм. 
Хүн бүр л байшин барилга барих болсон энэ цагт манай улсад нэг ч гэсэн хүн цэцэрлэгт хүрээлэнгээ хамгаалж үлдэх гэж дуугарч байгаа нь сайшаалтай хэрэг юм. Хэрэв Нийслэлээс АТГ-ын орон сууц барих газрын зөвшөөрлийг нь цуцалж чадвал Баянголчууд цэцэрлэгт хүрээлэнтэйгээ үлдэж, хүүхэд залуучууд хүссэнээрээ нарлаж зугаалах газартай болох юм.

 

 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх